今日の晩ご飯


搬屋之後最大嘅問題就係菜!
我唔係日日出去買餸,而且每次買餸都係要坐車去嘅,每次買餸最緊要就係要買啲擺得吓嘅菜。

前幾日食咗啲嘅通菜仲有啲,我又煮埋佢。買咗幾條豆角未煮嘅,專登今日便當唔出蛋卷留返今晚炒呢個蛋。男友放大假後返咗兩日早,辛苦喇!所以煮佢最鍾意食嘅雞翼過佢慰勞一番!

廣告

椰菜洋蔥炒肉片便當


今日個便當又比尋日嗰個好,可能太耐無便當食,男友不停讚今日嘅便當好味

話要全面update個yahoo blog! 真係好鬼麻煩
好在有blog友話我知點樣可以將個blog backup咗佢,若果唔係我之前打落嗰一切都會唔見晒!

我唔想講bye bye呀!但係好怕佢真係一update就無晒我啲嘢
講定先,若果真係咩都無晒,無埋blog友list都好,你哋要搵返我呀

今日のぉ弁当


因為裝修,停工咗2個幾月無整便當俾男友拎返工。

搬屋後物資仍然係處於唔齊備嘅狀態,款式同餸菜選擇有限,今日整住簡單方便生薑燒豬肉便當先。

今日の晩ご飯 ﹣親子丼


搬屋前男友講過話想食,呢幾日個雪櫃仲係未置好嘢嘅時候,呢個飯的確可以充撐場面之餘,仲有滿足嘅感覺。

簡簡單單又一餐

今晚要早啲瞓,聽日男友返工日,事隔2個幾月無整嘅「冷凍便當」又重出江湖喇,又係我早起之時。

朝ごはん ﹣餃子定食


今日係男友大假最後一日,聽日就要返工喇

所以無論如果今朝嘅早餐都最好有飯,所以今日嘅朝食就煲個麵豉湯同煎個餃子,嚟個餃子定食。


但太熱!我決定我係食冷そうめん(素麺)