西梅汁


我係一個好唔乖嘅「小朋友」!基本上我係一個一日唔會飲到8杯水嘅人嚟,原因係我鍾意飲有味嘢!

喉嚨痛咗幾日,幾日都無得飲咖啡。今日開始唔再痛,但都要忍住手忍住口唔飲住,但引唔住口齋飲水,所以喺雪櫃拎咗支西梅汁出嚟飲。

西梅叫我一粒粒咁我係唔會食,但飲的話我又OK喎!

西梅的確係一種好嘢嚟

有好多好多維他命A:
維生素A是一種脂溶性維生素,能促進人體內蛋白質合成,對保護視力,維持肌膚、頭髮健康都極為重要,而且它還能夠增強免疫能力。

有好多好多鉀:
人體的神經需要鉀才能指揮肌肉的活動,另外,鉀對人體電解質平衡起著重要作用,也能減低高血壓和中風。

有好多好多鐵:
鐵是構成血紅蛋白的原料,能攜帶血液中的氧分。

有好多好多膳食纖維:
膳食纖維可使食物停留在胃部時間增長,緩慢胃排空的時間,促進腸道蠕動,俗稱 「腸道清道伕」。對防治結腸腫瘤、心血管疾病都有幫助。

有抗氧化劑:
抗氧化劑在生物體內,其氧化過程總是伴隨著反應性非常強的自由離子的釋放。西梅所含的抗氧化物質有延緩機體和大腦衰老的功效。西梅中主要的抗氧化劑為花青素,為一種水溶性色素,可幫助清除有害自由基,防治癌症和心臟病,當然仲有美容嘅作用喇。

不過西梅嘅糖份都幾高,所以每日飲一杯已經好足夠。

廣告

醬燒豬肉便當


輪到我打敗仗!
男友尋日返早唔洗整便當已經偷咗懶(前日同尋日最辛苦),所以今日無論如何都整個便當。

到尋晚食咗啲藥,今日終於叫做好啲,起碼無再喉嚨痛……

呢排啲天氣實在令人難頂,真係好易中招。
日日都好焗好似透唔到氣咁。
好想問呢度幾時會落得出雨呀?

ぉ昼ごはん ﹣焼きそば


到我打敗仗!

雖然啲骨好重好攰,但我都想留喺屋企煮啲簡單啲嘅都好過出街食。

早兩日好在買咗焼きそば,今日可以炒嚟食~好耐無食過喇。
加上又買咗青いのり(海苔粉),第一次自己煮焼きそば時加埋海苔粉,又再似啲喺日本食嘅感覺,又再好味啲。

雞蛋 vs たまご

朝早喺超級市場見到呢個價錢!

$25.9 / 12隻 = $2.16 / 隻

但同一時期嘅日本 (鹿兒島) 蛋
$45*5%OFF=$42.75 / 2盒 (共20隻) = $2.14 / 隻

我點會唔繼續我嘅日本蛋生活呢?

今日の晩ご飯 ﹣天津飯


唔知係咪轉天氣,定係真係唔夠休息又或者湯水,呢輪真係熱氣!

一熱氣真係唔知食咩好,除咗嗱嗱臨將唔係我管轄範圍嘅「煲湯」都撥入豁免範圍內,今晚嗰餐都係一個問題。
諗咗一輪,呢個飯可以出場喇-天津飯~

唔知到底天津係咪真係有天津飯,但呢個飯我哋喺日本食過,係中華料理入面其中一道菜嚟,嗰次喺下北沢食有啲油膩,唔多舒服當然唔可以喇。
今日呢個係有少少酸mei mei之外(煮嗰陣我不停聞到碗仔翅嘅味),又唔洗話好似食到口淡淡咁,醒胃得嚟最緊要係食得滿足。

*****我想問點解我打完啲字會無喇喇俾人食咗架?!*****

材料(2人份)
飯 2碗
蛋 5隻
蟹柳 5條(切段、拆絲)
青豆 少許
薑 1片(切絲)
麻油 1/2茶匙
[芡汁]
雞湯 1杯
豉油 1湯匙
砂糖 1湯匙
黑酢/ 酢 1湯匙
蠔油 1茶匙
生粉 1湯匙

將少量嘅蟹柳絲加入蛋打勻
[芡汁]攪勻放入煲加熱,煮嘅期間要不時攪,成芡之後閂火加麻油
燒熱鑊,將1份蛋嘅份量煮至半熟(切忌翻蛋)加到白飯上面,再淋上芡汁~完成。