雞蛋 vs たまご

朝早喺超級市場見到呢個價錢!

$25.9 / 12隻 = $2.16 / 隻

但同一時期嘅日本 (鹿兒島) 蛋
$45*5%OFF=$42.75 / 2盒 (共20隻) = $2.14 / 隻

我點會唔繼續我嘅日本蛋生活呢?

廣告

今日の晩ご飯 ﹣天津飯


唔知係咪轉天氣,定係真係唔夠休息又或者湯水,呢輪真係熱氣!

一熱氣真係唔知食咩好,除咗嗱嗱臨將唔係我管轄範圍嘅「煲湯」都撥入豁免範圍內,今晚嗰餐都係一個問題。
諗咗一輪,呢個飯可以出場喇-天津飯~

唔知到底天津係咪真係有天津飯,但呢個飯我哋喺日本食過,係中華料理入面其中一道菜嚟,嗰次喺下北沢食有啲油膩,唔多舒服當然唔可以喇。
今日呢個係有少少酸mei mei之外(煮嗰陣我不停聞到碗仔翅嘅味),又唔洗話好似食到口淡淡咁,醒胃得嚟最緊要係食得滿足。

*****我想問點解我打完啲字會無喇喇俾人食咗架?!*****

材料(2人份)
飯 2碗
蛋 5隻
蟹柳 5條(切段、拆絲)
青豆 少許
薑 1片(切絲)
麻油 1/2茶匙
[芡汁]
雞湯 1杯
豉油 1湯匙
砂糖 1湯匙
黑酢/ 酢 1湯匙
蠔油 1茶匙
生粉 1湯匙

將少量嘅蟹柳絲加入蛋打勻
[芡汁]攪勻放入煲加熱,煮嘅期間要不時攪,成芡之後閂火加麻油
燒熱鑊,將1份蛋嘅份量煮至半熟(切忌翻蛋)加到白飯上面,再淋上芡汁~完成。

清潔用具の収納

有追/睇開我裝修時嘅POST都知,我間屋個浴室有幾「大」!
洗手盆我哋選擇咗掛盆,整個浴室範圍內都係無任何收納嘅地方,例如吊櫃又或者洗手盆櫃咁。


問題就出現喇~除咗牙膏牙刷呢啲必要嘅物件放喺浴室之外,仲有好多嘢其實都係需要擺喺浴室入面。
其中一樣就係:清潔用具。


俾我喺MUJI搵咗呢個唔錯嘅組合!
就係咁,水平咁望其實唔會發現佢哋架,又可以掛起佢吹乾,又唔會掛晒出嚟好似好多嘢喺個浴室度。