50㌘雞胸肉

之前睇咗一個有關「疲勞」同「疲勞感」嘅節目,重新認識咗平日嗌攰嗰個「攰」到底係一回咩事。

好老土!有效消除疲勞只有一個方法~瞓!!!!!!
但我諗有唔少人會同我男友一樣,為咗搵食,工作時間長之餘,瞓嘅時間真係唔會多得去邊,加上工作上嘅壓力……

好在,早兩年大阪市立大學研究出イミダゾールジペプチド(氨基酸嘅一種)係可以有效抗疲勞。呢種食氨基酸係可以由食物度吸收得到,最方便最易接觸到嘅就係雞胸肉喇。有份參與研究嘅醫生講到,每日原來只需要食50g嘅雞胸肉(任何烹調方法),維持食兩個禮拜,就已經有效去幫助消除疲勞!


聽到真在好令人開心,50g嘅雞胸肉~只不過係呢幅相嗰幾舊炸雞塊。
份量唔洗多之餘,最緊要係唔會因為煮嘅方法而破壞咗イミダゾールジペプチド,影響吸收。

要努力咁諗吓有咩雞胸嘅菜式先

廣告

今日の晩ご飯 ﹣ロコモコ


#8風球下嘅第二餐-loco moco
我識得整呢個飯係因為日本人,但原來呢個係地道嘅夏威夷餸嚟。
最基本嘅就係白飯+漢堡扒+煎蛋同埋gravy sauce。
今日一個咁特別嘅日子:打風呀!兩年無試過嘅8號風球呀!!!

尋晚行APITA時啱啱撞到啲肉減價,於是買咗盒豬牛免治肉$12。
呢餐令男友食得津津有味嘅晚餐
漢堡扒仲有一份係留咗遲吓便當用嘅。

所以計計埋埋、扣扣埋埋,2個人都係$14!(啤酒、飯、調味料另計)
又一慳錢但令人十分滿足嘅一餐!!

ぉ昼ごはん ﹣バター醤油焼きうどん


突如其來嘅#8風,好在都唔會令到我哋呢兩個住喺荒島嘅人餓親,長期儲糧嘅雪櫃係時做攞分喇!

第一餐:牛油醬油炒烏冬

有一條仔紅蘿蔔、有小半個椰菜,再喺冰箱搵到兩條獅子狗丸可以拎嚟扮吓魷魚添。

PP收納洗衣籃


***BEFORE***

呢個桶我用嚟拖地時用嘅。但總係覺得唔知點~
之後有日諗諗吓


***AFTER***
喺MUJI買咗呢個膠籃,可以將成個筒擺入去之後,仲有個蓋添~感覺上良好好多。就算toilet要洗地都好,唔會話啲水整濕其他嘅清潔用品。

整體感覺又歸一咗好多喇


PP洗衣籃 洗衣蓋

黒糖ふがし


今晚出咗街食飯,食飽飯之後又去咗MUJI買嘢……
期間發現咗呢個嘢食:麩菓子

中文咩呢我真係唔知,只係眼見係黑糖我就覺得自己會鍾意食。


(from wikipedia)

中間就係咁,睇落好似卜卜脆條咁,但咬落又帶啲軟身,一啲都唔會覺得熱氣。
半夜三間我同男友都一人食咗一條。