豉汁鳳爪

  • 豉汁鳳爪($11)
  • 香酥芋頭魚(無價)
  • 大葉醬油炒茄子雞胸肉($10)
  • 炒菜芯($6.5)

耐到已經唔記得咗幾耐之前,我話過想整鳳爪,原因好簡單,因為男友鍾意食。

今日終於肯動手去整。
其實話咁容易,兩三下手勢就已經搞掂呢個(中)(中)(中)點。
係三個中點。
呢個豉汁鳳爪,終於的話的確自己喺屋企整仲好過~10隻爪/$10,再搭多條紅椒$1
汆水(去雪/怪味)+浸冰水+修甲+爆豆豉+爆蒜頭+落爪+糖+水+生抽+老抽,又搞掂。

至於無價嘅芋頭魚係出自我阿媽嘅製作,過程/做法/價錢我一概知,因為我係唔食芋頭嘅。
我只需要負責去炸呢條魚,炸到尾嘅時候就會傳出陣陣嘅芋~頭~味 @_@
一炸完拎起嗰下就見到阿媽整嘅芋頭魚皮香酥嘅效果。
喜歡食嘅一定會覺得好吸引。

買餸時見到啲茄子幾靚,買咗一條試整今晚呢個ー大葉醬油炒茄子雞胸肉
又多一個雞胸肉餸男友覺得OK
睇落去覺得茄子好似仲係生生哋嘅樣,食落好甜好好味。
美中不足係走油使得唔夠好,雞胸肉煮嘅時間耐咗搞到柴皮咗。
不過唔緊要喇~下次再努力。

廣告

今日の晩ご飯

  • 炒菜芯
  • 野菜炒め(炒雜菜)
  • 豚の生姜焼き(生薑燒豬肉)

1. 諗唔到煮咩
2. 今日無去買餸
3. 男友聽晚返工又會少機會食菜
4. 呢排男友返工好攰

於是就得出咗今晚呢3樣餸~
美中不足嘅係,今次個生姜焼き無之前整得咁淋同滑,略嫌韌咗啲。

今日の晩ご飯


尋日泡菜豬肉嘅份量整多啲,同男友便當嘅份量一人一半。


今日晏咗起身,所以呢個同時都係我嘅早餐嚟。


同男友個便當唔同嘅係,我呢隻係溫泉蛋,佢嗰隻係烚蛋。