湯種牛乳レーズン食パン


新鮮麵包出爐lu~
今次又繼續試整湯種。
不過同上次有少少唔同~

湯種
改用90℃嘅熱水←上次以為湯種要用嘅熱水溫度就係65℃……但原來係唔夠熱。
改用搵麵包機(HB)幫手攪粉10分鐘←上次係用打蛋器去將湯種攪勻 。
放雪櫃12小時←上次擺得6個鐘頭就拎出嚟用。

麵團
水份改用牛奶
牛油後下←之前都係同其他材料一齊落,今次有時間睇住啲粉喺度攪,我一於等個麵團打勻之後再落牛油等佢再攪。


經過咗4個鐘,麵包出爐喇。

明顯需要改善嘅就係唔夠提子!
同埋啲提子應該要去浸一浸軟先拎落去同麵團撈埋。


不過最令人開心嘅莫過於今次麵包嘅質地,真係好吸引人。
男友話今次個包係最好食。
麵包真係做到一絲絲,好有質感。唔會太話濕,但同時都有足夠嘅水份,男友仲食得出今次麵包多咗牛油嘅香味添。
今次呢個包絕對もちふわ食パン(軟熟)呀!

麵包教科書s

65℃湯種麵包。
我搵唔到吖!!!!!!!!!

尋日去開荃灣,搵咗又無,問埋九龍嘅書局又無,之前問過香港區呢邊啲大型書局又係無。
間間都話斷晒無貨。

今朝一早又出去銅鑼灣同灣仔啲烘焙舖頭度睇,又係無。

即係叫我唔好買喇本湯種書……


但俾我發現咗呢兩本書
麵包教科書2同埋手工麵包
對於無正式出去學過整麵包嘅我嚟講,由最基礎去學去理解麵包係咩一回事都未嘗唔係一件好事嚟。

セキュリティパンチ

細細個已經對於保護個人資料有一定嘅意識,因為由細到大阿爸阿媽都教掉信嘅時候一定要搣咗自己個地址先好掉。
所以到而家大咗我都養成一個習慣,一係就儲埋佢唔掉,一掉就要揻一大堆嘢。

雖然好麻煩,但係都無辦法。
喺香港個人資料早早就俾八達陳賣晒,個人資料講講變晒人哋公司客戶資料,但我都覺得係有必要做返自己嗰part。
因為我自己會聯想到,唔搣→俾人搵到→久而久之佢會知到自己好多嘢→繼而引身出騙案電話……

之前同阿爸一齊買咗部碎紙機,唔係因為貴所以,係因為買兩部都無咩意思,搵地方收埋之餘,又唔會下下拎佢出嚟用,所以夾份買咗一部,擺喺阿媽度,有大量資料需要碎嘅時候,就拎嚟用。

但實在一日有唔知幾多封可能睇都唔會睇嘅宣傳單張塞入個信箱度,A4張、明信片、信乜都有,下下又搣又撕又碎都唔係辦法,但唔做又過唔到自己嗰關。

上年喺日本時100yen店買咗個呢類嘅印仔
但好快就乾晒啲墨

後來到我發現無印出咗

其實7月中時已經日本出咗,但香港一直都無入到。
等呀等~終於俾我等到喇。


原理其實同打窿機差唔多,不過佢係一排打咗7個窿。
喺姓名同住址嘅位置打啲窿,咁就咩都睇唔到喇~

一年都唔知收埋幾多呢啲宣傳明信片,搣又難搣,啲紙又厚……
而家一打窿呢啲宣傳紙就可以掉落個廢紙箱度,唔洗再喺屋企堆到一堆二堆咁,乾手淨腳。