同心泰國菜館

尋日男友話今日攞假,同我去咗九龍城食泰國嘢。
之前每次去親九龍城,一定係去食潮洲嘢,每次落車經過都想入去試吓泰國嘢,今次終於有機會試到喇!

知道有機會去食,我就上去咗openrice度睇吓有咩選擇。
向來信足openrice都會出事,今次用另一種方法去搵,俾我哋搵啱咗喇。

我揀咗間唔係老字號,無太多分店/集團式嘅同心。
見到啲人話細個就食,搬咗屋之後都返去食,所以我哋勇於一試,加上原來呢間正正就係我哋平時落車時經過嗰間嚟。

兩個人叫咗4樣嘢 + 1白飯 + 青檸梳打


馬拉盞炒通菜
好味!男友大讚若果可以買到馬拉盞的話,用佢嚟煮好過用腐乳/蝦醬炒。


炒金邊粉
4樣嘢當中,呢個最唔好。因為佢好大陣油益味。


海鮮冬陰功湯
有海鮮同無海鮮係一樣價錢,我哋當然係揀海鮮喇。
好好味!!真係好好味~


足料大青口,有幾隻架!


最後叫咗少食到嘅青咖哩(雞)
雖然大大隻字寫住椰汁同埋係甜,但我都接受到。
不過入面圓形嗰隻豆有啲難接受,但整體成個咖哩都好好味,啲雞好滑呀。

仲有杯青檸梳打,但失策唔記得影相。
係近呢幾年飲過嘅青檸梳打當中最好飲嘅一杯。
因為唔同出面一般真係青檸 + 梳打咁沖,呢杯就算篤晒啲青檸都好,酸得嚟點都會帶啲甜味,好好飲!

呢間已經俾我哋列入會再去嘅食肆嚟!
唔知下次幾時再去呢?!

天津飯(附食譜)


天津飯……應該係等於香港嘅芙蓉蛋飯……

因為早幾日食すき焼き時剩咗啲餸唔知點好,於是炒咗個滑蛋,淋個汁上去就變咗個天津飯。
加啲菜、加啲肉,又一餐!

天津飯芡汁
(2人份)

  • 水 100ml
  • 砂糖 1/2湯匙
  • 料理酒 1/2茶匙
  • 雞湯素 1/2茶匙
  • 黑醋 1/2茶匙
  • 日本醬油 2茶匙
  • 粟粉 1/2湯匙
  • 麻油 少許

俵むすび唐揚げ弁当

  • 俵むすび‧若菜わかめ(俵型飯團)
  • 唐揚げ(炸雞球)
  • パセリ粉チーズ卵焼き(蕃茜芝士粉蛋卷)
  • にんじん&コーンのバターソテー(牛油炒甘筍粟米)
  • たくあん(醃蘿蔔)

終於整返便當lu~

停工咗接緊兩個月,隨時聖誕、新年、生日、農曆年過後,再次早起整便當,唔知點解有啲緊張。
都係擔心若果唔知醒又或者翻瞓無整到便當就慘!
多少因為我知道男友係期待今日呢個「久違」嘅便當。

臨時提出想我整返便當嘅關係,農曆年檔無咩點買餸嘅我,喺雪櫃見到有雞扒,就整咗最保守嘅炸雞球。
早排又買咗紫菜,所以搞搞新意整咗我想整好耐嘅俵むすび,配埋幾件たくあん就最perfect喇!

聞到當塊紫菜住咗個飯團之後浸出嗰陣紫菜味,令到4點清晨起身嘅我好肚餓……