記念的な蜂蜜


圖中蜜糖係朋友結婚時嘅回禮小禮物。
朋友剛好話會嚟我屋企,於是諗住用呢樽蜜糖整兼又隔咗好耐無整嘅麵包。


包唔係咩新作品,之前曾經整過ー 20%湯種 蜂蜜シナモンシュガートップ。

卵巻き俵形寿司焼き鳥弁当

ニューチャレンジ!新嘗試!
尋日講到為咗要影張相,終於肯整多個便當俾自己~影相用。

平時4點幾起身整便當嘅我,除咗之前嗰晚較好時間煮落煲飯之外,有一半嘅餸都係當日晨早起身先整。
入埋落飯盒,再影埋相要5點搞掂,時間緊逼……


今日比尋日時間更充裕,因為我搞掂好晒男友嗰個,送埋佢出門口我先整我自己呢個。
無時限,想點坃都得,一於搞搞花臣。

整咗三個俵形(圓柱形)飯團,加塊花邊紫菜同塊薄蛋皮。
即刻色彩繽紛咗好多~
但若果呢個俾男友拎返工的話,未免太少女,所以留俾我自己食好似比較適合,嘻嘻。
又或者下次用呢個方法,剪唔到花邊睇吓會唔會無咁少女!?

今日呢個便當無用到任何錫紙杯去分隔,全部都係用牛油生菜嚟間開。
亦即係全個便當都可以食晒,一啲都唔嘥。

  • 蛋卷飯團
  • 串燒雞肉(YAKITORI)
  • 咖哩味煎香腸本菇
  • 紅蘿蔔小松菜
  • 車厘茄

✿料理教室✿ 擇日再開~絞り出しバタークッキー~


農曆新年前屋企曾經開過一次曲奇班。
同學仔話想整多次曲奇,於是擇日再開~


上次做過一次,今次係重溫,所以某啲部份例如量粉,手打牛油呢啲步驟刪減咗。
今次準備好材料,用電動打蛋器打牛油同糖,慳咗唔少功夫,今次嘅重點係:唧花~


今次掌握到唧花要用嘅力度,所以好成功。
唧得好整齊同埋個個大細都差唔多!

正因為同學今次掌握咗,我多咗好多時間。
所以今次我記得喺過程期間影相喇。


曲奇出爐喇~

忽發其想……其實可以整吓咖啡味、朱古力味…甚至係抹茶味。