また下痢!?


唔知其他貓係點樣,我家お姫様(hime)通常一日會有兩次「大」嘅情況出現。
多數相隔12個鐘,當然每日都會有一兩個鐘前後嘅改變。

前日我出街前清理咗,點知返到屋企無耐佢又再去一次。
出現咗少少軟便情況。
之前因為癬藥影響,杜蟲藥又已經食咗成個禮拜,應該唔關事。
但有過之前嘅經驗,雖然都擔心,但無好似之前咁嚴重。


食得瞓得甚至玩到連佢玩開嗰枝毛毛棒都玩爛埋。(仲要即刻逃走)
所以我相信佢係無事。
但到十二個鐘後又痾多次。

呢兩日食量明顯減少咗,不過又係玩得瞓得,又唔理佢。
因為我開始懷疑佢係食滯咗。
我計返佢之前日一共食咗成80g糧,足足比平時多咗20g。
到夜晚,答案喺砂盆開估。
一切回復正常,包括食量。

hime好愛佢嘅新玩具~

廣告

二三事


幾日keep住都要食「牛牛」(止痾、益生菌藥)
見到佢食就覺得辛苦。


因為隻藥陣味都真係幾難頂。
每次食完佢都要洗面洗身一大輪。
慘咗呢隻藥一日要食三次,即係每日最起碼要不情願咁「大洗」自己三次。
食完洗完就見到佢呢個嬲包包嘅樣。


每日瞓覺都瞓到毫無戒心。


甚至瞓成咁……


每日除咗食同瞓之外,最緊要當然係玩喇!


最最鍾意就係瓹櫃底。


其實最鍾意就係瓹梳化底。
不過俾我哋攝晒啲嘢喺底之後就再瓹唔入~
唯有攝個pat入去……


少有咁竟然趴喺地下。


俾我鬧完就扮乖扮正經咁趴喺梳化,仲要搭埋手。
真係俾佢激死……


今朝嘅便便終於有啲起色,希望「牛牛」真係幫到個腸胃喇……

可憐囡


經過10日,我哋又再次帶hime去睇vet。

上星期body check時醫生建議hime打多支針先當佢打齊針。
所以為免慳嗰少少錢而有咩閃失,我哋都覺得打埋穩陣啲,於是就今日帶佢去睇,順面磅重睇吓上次食嘅癬藥下次嘅份量要食幾多。

好在提早咗同佢去見vet。
原來……


我無俾飽飯個囡食!!!!!
虐貓呀陰功!!!!


去到姑娘一同hime過磅,1.39㎏。(10日前同一個磅磅過係1.38㎏)
我一聽到就:「慘喇!10日先重得10g!」


之後講返我呢10日我點餵佢食糧嘅情況。
Vet話可以唔洗再同佢浸糧,仲有個兜無晒糧就同佢refill。
簡單嚟講係佢個飯兜要「常滿」,每日放題!


啱啱好今朝出門口前去咗+*÷,諗諗吓不如留起去帶埋去俾vet睇。
始終之前keep住都係軟便(雖然近幾已經叫好返咗少少),vet都睇咗初步驗咗都無發現有蟲蟲。

但夠期要杜蟲,所以有粒藥要返屋企食。
check過都無發現話有傷風之類,所以今日可以預期打埋支防疫針佢。


要食4日益生菌。

同埋開咗處方糧(i/d)俾佢食,等佢腸胃快啲好返,唔好咁敏感。

由於長期餓鬼嘅情況吓,醫生姑娘都覺得基本上唔洗溝糧佢都會全部照單全食。
果然!返到屋企即刻拿拿臨開親糧俾佢食已經即chur!
我連續fill咗3次(前後共30g)佢先停吓唔食住。
計埋今朝食嗰份早餐,已經遠遠超出咗佢呢幾日嘅每日食量。

唉……餓死囡喇!


可憐囡。

打完針返到屋企又要食杜蟲藥。食完又要食益生菌,仲要1日食3次……
啱啱呢幾日停咗隻癬藥就要食益生菌,食完益生菌之後又要開始返食癬藥。
仲要呢10日,嚴格嚟講係呢個幾兩個月以嚟都未食過飽飯。

陰功~

快啲好返之後要儲肥妳!