新しいケージに引っ越し ‧7月數簿


呢個樣好得意。
就好似個小朋友玩到攰瞓著咗咁。
唔發癲做殘雞婆時係幾可愛嘅~


上個禮拜六(28/7)出咗去銅鑼灣幫hime買新屋。
由接hime返嚟嘅第一日hime就喺寵入面瞓覺。
簡單嚟講,只要無人喺屋企,同埋我哋瞓覺期間,hime都要入返籠。

可能好多人都唔明點解養貓要困籠,好唔人道、殘忍、虐待、要困住不如唔好養etc…..
經過接咗hime返嚟呢個半月,我覺得其實係可以要佢養成個習慣俾人「困籠」。

之前男友曾經提出話任hime喺屋企自由行,但我覺得應該「困」到佢起碼過咗個絕育手術。
由出世到而家佢都係俾人困開嘅,自由過就好難再困返去。
絕育手術後個個都話要恨心啲困佢一排,免得整到傷口就麻煩之類。
倒不如一直「困」到手術後為止。
換著係我,自由開突然之間無晒自由,仲要做完手術傷口唔舒服嘅情況吓,唔發癲就有鬼。
呢兩個月不停上網睇點解普遍日本人養貓都會喺屋企有個貓籠。 日本人愛貓好多人都知,但點解佢哋愛貓又會用籠養呢?


最後我覺得hime的確係需要一個籠。
所以同男友商量完決定換間二層嘅大屋俾佢。

他日有咩特別嘅情況,好似之後做desex手術後嘅護理,將來老咗都有需要用到籠。
我聽過有個情況係因為老貓唔知自己年紀大,喺屋企跳到好高失平衡後引致失禁。
加上我屋企廚房係無門,曾經諗過不如喺廚房門位置加圍欄,但對貓嚟講真係一啲效果都無。
竟然係咁,不如俾佢習慣同個籠相處。

前晚hime搬咗去「大屋」度住,不之幾咁開心。
一嚟就已經知到上層係瞓覺,下面嗰層飲食同去toilet嘅。
就算我自己瞓覺都瞓得安心啲,唔洗話成日聽到少少聽就諗佢喺出面到底做緊乜。

同之前一樣,我起身佢又可以出嚟大肆暴走一輪。
我無閂到佢個籠嘅門,等佢可以多個地方去揀瞓邊喇。
點知玩完一輪佢返去新屋嘅二樓瞓,仲要係瞓醒搵玩具引佢都唔出嚟,吹脹。不過佢可能係為咗避開唔洗刷牙……
到咗尋晚竟然同佢撩完耳仔之後,佢自己走返上去二樓。(平時多數撩完就差唔多要入去瞓)
好自動自覺咁。
但其實佢可能係為咗避開唔洗刷牙……

見到佢咁滿意自己間新屋,都覺得值得去投資買呢個「複式單位」。
亦因為咁,今個月本來條數臨尾激增$2000。


hime:「又睇數……成日都計住晒……」 


傢俬玩具 $2097.2
醫藥 $60
美容清潔 $215
食費 $316

dollar  $2688.2

廣告

猫の犬歯


猫なのに犬歯。
換牙嘅時間真係好漫長。
上次話甩咗前面啲門牙都已經係月頭嘅事。【家に来て1ヶ月】
停咗一個禮拜,早幾日已經留意到下面兩隻犬齒都準備出緊。
尋日終於俾我影到相喇。

之前都想影,但係唔明顯,到今日先影到。
唔知我可唔可以執到呢兩隻牙仔呢?
過去一個禮拜hime正式完全換晒食天然糧喇。 【轉糧】
由過渡期到完全轉晒新糧呢兩個幾禮拜,hime一共重咗0.3kg,計落好似重得快咗。
不過最明顯嘅係佢鍾意食呢隻糧同埋食多咗。
初初都係每日大約60g左右,亦都係建議食量嚟。
但到呢幾日我發現佢大約係食到70~g左右。

喺佢呢個階段,食得到,大隻啲絕對係好事嚟。
而且發現轉糧之後,便便明顯係之前咁難頂。
絕對無可能係唔臭架喇,但起碼唔難頂已經係一大改善。

摶大霧


尋晚邊同阿媽講電話,一邊應付住hime同佢玩。
所謂同佢玩係指俾嘢佢自己玩。
掉枝毛毛棒俾佢追,又或者俾個公仔佢追,通常都可以喺屋企追逐一輪。
見佢追住個玩具玩,我當然繼續煲我煲粥喇。


煲煲吓發現間屋靜咗,即刻搵囡喇。
點知佢又嚟摶大霧!!
俾我發現佢去咗我平時都唔俾佢上嘅餐枱櫈度,仲要係坐定定,擺晒尾嗰隻。

拎住個電話我都即刻鬧鬼佢。
點知電話嘅另一邊,即係我阿媽竟然話:「咪似你細個嗰陣時囉!」

乜嘢呀?!點解會似我?!

媽:「有次我講緊電話時,你走去開咗個雪櫃門坐咗喺度。」
當時無冷氣,熱就要搵地方涼架喇~哈哈哈。

但諗諗吓又的確細個時成日吼阿媽講電話時,又話要呢樣,又問嗰樣得唔得。
通常收線之後就會俾阿媽話好成日喺嗰啲時候問佢嘢。
點之而家呢個囡咁樣對付返我。

hime自己都可以玩得一大爛餐。