爬樹高手


朋友話呢排唔見咗hime!
無法喇,呢個月hime少咗好多相。

少咗拎起相機當然係其中一個原因,但最重要嘅原因係……
每次我一相影,只要拎起部相機咋,都未隊到埋去,呢個囡就轉pose都轉唔切,務求唔俾你影到佢。
之後影到嘅都係一啲好行貨嘅相,自自然我又無心機post出嚟,搞到啲相少之又少喇。


反而呢排我執mvie多。
仲將幾條片chop埋一條,就好似今日呢條咁。

我都唔記得咗幾時開始,hime學識咗向上爬。
對於挪威森林貓嚟講,係爬樹簡直係佢哋嘅強項。
不過估唔到hime咁快已經學識,仲要身手敏捷之餘,佢爬得好有自信嗰個樣真係好鬼搞笑。

廚房用品收納


住咗一年,經過多次試行錯誤(嘗試錯誤法)之後,終於到個令我滿意又方便我自己嘅方法喇。 有睇我裝修期間嘅blog嘅都會知道我屋企廚房有幾大。 最用得多,最重要嘅收納地方一定係爐頭下嗰三個櫃桶,亦係全個廚房用得最頻繁嘅儲物地方。

今次執嘅係最頂嗰個櫃桶,係三個櫃當中最薄嘅一個。
主要係放餐具同埋煮食用具。


用嚟分隔嘅整理盒係MUJI嘅。

PP整理盒1 PP整理盒2 PP整理盒3 PP整理盒4
不過唔係完全fit得晒我個櫃桶,最側邊調味料嗰邊有吉位。

咁啱嗰晚執睡房嘅櫃桶,有幾塊呢啲間格板已經用唔著,於是就改放喺調味料嘅位置。
仲fit過當初我諗住買另外一款MUJI嘅整理盒。
最緊要係唔洗再俾錢買,呢個整理板又唔洗掉咗咁嘥。

梅菜炆雞翼(附食譜)


又係時候講一講食。
盡力去平衡吓先得~

唔記得有無講過,以前男友係唔鍾意食蠔油雞翼。
原因係我整得唔好食-雞翼唔入味,而且煮得過火肉霉。
知道錯,當然唔會再錯,就係咁我無再整蠔油雞翼喇。

但沈寂咗一輪,我終於喺一年前用啱咗方法去整蠔油雞翼,男友就從此愛上。
由以前最愛嘅煎炸雞翼,到蠔油雞翼都成為咗男友嘅至愛。

整耐咗就想有變化。
於是我又諗住搞搞新意思,暫時唔想開咁大壇嘢整梅菜扣肉前,嚟一個梅菜雞翼先。

Continue reading “梅菜炆雞翼(附食譜)"