香煎鹽麴雞肉便當(附食譜)


2012.09.26 塩麹のチキンソテー弁当

  • 香煎鹽麴雞肉
  • 韮菜芝士泡菜蛋卷
  • 金平牛蒡

唔知大家有無聽過鹽麴呢樣嘢呢?
鹽麴係鹽+米麴+水發酵、熟成而成嘅調味料嚟,近呢一年喺日本好流行。
但其實呢種調味料並唔係啲乜嘢新嘢嚟,而係其中一種最古老嘅傳統調味料。
老一輩嘅好多都會自己整,就好似味噌咁,係屋企常用嘅調味料。

鹽麴之所以會喺日本「再次」大熱,據說係因為鹽麴可以令食物有「醍醐味(隠し味)」嘅功效,若果用佢嚟醃製過嘅食物會更加鮮甜。鹽麴含有豐富嘅維他命同乳酸菌,有整腸作用、美肌效果,仲有防止老化嘅功效。咁受到重視嘅健康食材,市面自然就多咗好多現成商品可以買到。亦因為咁,我終於有機會試到呢種調味料喇。


今次第一次用嚟煮餸,我賞試咗最簡單嘅做法-醃雞胸肉。
對於整雞胸肉我有「障礙」架,因為我好怕雞胸肉鞋口。
只要煮得過咗火候,就會變鞋,但唔煮返咁上下咩,又唔熟。

今次用鹽麴嚟醃,再煎香,完全無鞋口之餘,食落仲要係juicy同鮮甜架。
我呢塊都係急凍嘅雞胸肉,竟然食到甜呀!
令我呢個唔太愛食雞胸嘅都覺得可以就咁食呢個雞胸肉嚟餸成盒飯。
不過男友建議下次可以加返啲黑椒,等佢再香口啲,我下次會試下!

Continue reading “香煎鹽麴雞肉便當(附食譜)"

廣告

相機的背後

6-8月時90%嘅相都係影hime,每日都有唔同嘅嘢值得影低。
不竟同BB仔一樣,每日都有新事物要探索,而家睇返啲相都會覺得短短幾個月變化都已經好大。


影相嘅位置正正就係而家hime呢個隧道玩具擺放嘅位置,因為呢個位置影相光線最足夠。
之前唔擺陣影相就係怕hime會搗亂,一陣高興起上嚟撞跌部個腳架,跌咗部相機,整親hime就麻煩。

不過呢個月好好多,可能hime都習慣咗影相呢樣嘢係唔關佢事,亦都無嘢好玩。
每次我影相都會同佢講:「我而家有嘢要做,做完先再同你玩。」

每當我要影相、要將佢個玩具搬上梳化時,hime就會走咗上梳化度坐咗喺隧道個圈入面,等!一係就坐喺度望吓到底枱面上有啲乜嘢,之後就坐返低,再等。


長大了。
雖然都有曳嘅時候,但比起之前一日到晚都周屋跑嘅hime已經「定當」咗好多。

キムチ唐揚げ弁当 (附食譜)


19/9 泡菜炸雞球便當

  • 泡菜炸雞
  • 上湯煮小松菜油揚
  • 牛蒡羊栖菜魩仔魚煮物
  • 香蔥芝士蛋卷


炸雞-唐揚げ
炸雞係便當最常見嘅餸之一。
我覺得炸雞同蛋卷一樣,係有好多好多變化。

之前我試過我薑汁蒜茸醃嘅,再簡單再懶啲試過就咁鹽焗雞粉同麻油醃就算。
今次其實都係懶,我用泡菜醬(キムチの素)去醃。

買雞扒返嚟,趁佢唔係成舊冰時切好。
之後放入膠袋度醃咗佢,掉返入冷箱。
到要食之前拎出嚟解凍就可以,又係乾手淨腳。

Continue reading “キムチ唐揚げ弁当 (附食譜)"