湯たんぽ

最近天氣開始凍,我好想要一樣嘢

暖!水!袋!

7年前?嘅冬天,嗰陣嘅環境應該係keep住幾日都係10度以下嗰隻。
住宿舍嘅我每晚瞓前都會將整定個暖水袋掉落個被竇度,靠佢暖定張床俾我瞓。

嗰陣擁有嗰個暖水袋,有個令人好困擾嘅問題。
就係入熱水嘅佢,唔拎住係裝唔到熱水入去。(網上搵到同當年類似嘅暖水袋

正因為呢個構造,有一晚我終於喺裝熱水時俾啱啱煲滾嘅水淥到手背。
簡直痛到我阿媽都唔認得。

喺宿舍嘅我淥到手之後仲要搞掂返枱面同地下嗰攤水。
搞完一大輪最後都係無暖水袋就要去瞓。
呢件事之後一直就無再用同類嘅暖水袋。
後來暖貼越嚟越普遍,都改咗用暖貼。

但其實我好鍾意攬住暖水袋呢個動作。
加上瞓覺可以攬住佢嚟瞓,擺喺床尾暖住對腳又得。
呢啲係暖貼做唔到嘅…。


前日男友經過MUJI,拎咗本Xmas Home 2012返嚟。
揭到一頁又講暖水袋喇,隨口同男友講:「我想買個暖水袋。」
男友:「係就買個最大架喇!」
hee hee,我應該係12月可以有個新同安全嘅暖水袋喇,仲要係我至愛嘅MUJI。
仲有個圖案係雪花,又紅色嘅,好聖誕,我已經認為嗰份係聖誕禮物!
12月我就會去買~


呢本XMAS HOME 2012最後嗰頁有張立體嘅紙卡,可以撕得落嚟,我當咗佢係立體聖誕卡咁擺咗喺層架度。

体重が4kgを超えました。


一直都諗,唔知幾時hime體重會去到4kg呢。
點知話咁快,唔洗等到1歲,9個月大嘅hime已經有4kg重喇。

挪威貓係中至大型貓,通常貓女都會有5kg左右。
估唔到未到1歲嘅hime已經有呢個重量。
相信佢真係有呢個潛力去到做一包「米」。

2個月前hime啱啱3kg時覺得單手抱佢有啲吃力。
但最近抱時會覺得:「阿囡!?點解好似輕咗咁嘅?」
一過磅又發現,其實係仲重咗。

相處得耐咗,hime會俾我摸嘅地方都多咗。
有日我就去摸佢個肚同埋大脾,發現其實都唔係話好多肉。
啲腳都係骨杉杉咁,比初時多咗嗰2kg,難道去晒啲骨頭度?

 

Y! 人氣精選

事情發生喺10分鐘前……

我個blog今日有啲奇怪,比起尋日瀏覽人數多咗。
每篇post都多咗一個數量嘅人睇。
再睇落啲發現「今日人次」仲第一次俾我發現過咗200!!!

一路睇一路同男友講呢個問題。
男友:「係咪上咗啲○○版呀?」

於是就走去click咗【人氣精選】嚟睇
再拉到落最低時發現