ポトフ -Pot-au-feu- (附食譜)


2013.01.25 ポトフ

上季有兩套講嘢食嘅日劇,每集都會睇到好餓。
睇嘅過程其中一樣我最期待嘅就係,睇吓會唔會發掘到男友有啲咩係佢有興趣想食而我又未煮過嘅。
其中有一集講到ポトフ(中文不明),我一直都好想整一次,見雪櫃樣樣蔬菜都有啲時,一於實驗吓。

ポトフ其實好隨意,基本上可以將啲用咗一半剩咗喺雪櫃唔知點算嘅蔬菜掉晒落去就可以。
本身ポトフ係會落牛肉落去嘅,但試整睇吓男友會唔會接受一堆烚菜時,都係先整個簡單版,落幾條腸仔就算。

出到嚟嘅效果好滿意!
無論菜、定個湯,全部~!係全部都好甜!!
甜味係完完全全嚟自啲蔬菜。
簡單嘅一個烚菜可以令到男友大讚好味,令我好有滿足感。 Continue reading “ポトフ -Pot-au-feu- (附食譜)"

廣告

牙痕


hime有個唔好嘅習慣,就係鍾意咬嘢。

咬得最多嘅就係佢個籠,我成日看得終於有一日佢會玩次prison break。
當我見到佢有咬個籠時我就諗佢係咪唔鍾意返入籠瞓呢?

留意咗幾個月我發現唔係!
呢個囡好清楚同明白,夜晚係瞓覺,朝早佢自己唔係玩就係瞓覺。
有時我哋2個阻住佢瞓 / 佢好鬼眼瞓,佢會自動走返入房(即係佢個籠),唔喺出面瞓。
入咗房瞓佢唔會因為少少聲,我哋行嚟行去而起身望兩眼,相比起出面,返入房瞓個覺係會瞓得冧啲。

有日我忍唔住擘大佢個口嚟睇吓啲牙齒。
最後嗰兩隻臼齒,好細隻,加上佢近呢個月食少咗嘢,我懷疑佢係出牙。
但上網睇完發現好多都話6個月時已經換齊牙,暫時都係原因不明。
肯食嘢,肯玩,大小便正常,暫時我當佢係牙痕處理。

牙痕,最直接就係俾嘢佢咬。
但一陣咬爛咗個籠事少,整到啲牙肉事大。
於是上星期走去買過枝木天蓼俾呢個囡咬。

一開俾佢,即刻擺去大牙嘅位置咬。
出盡力咁咬,咬到好似震機咁……
我明白到平時佢發起癲上咬我哋都真係好就住嚟咬架喇……

 

 

ホットケーキの日


2013.01.25 ホットケーキ

記得細個時第一次接觸pancake係以前阿媽喺屋企整俾我哋兩姐弟食嘅茶點嚟。

pancake係咩牌子我唔記得,最記得就係一個膠樽入住啲粉。
食嘅時候只需要加水 ∕ 牛奶,之後不停搖個樽等啲粉mix好,倒落去煎就得。

到而家我唔用pancake粉嚟整,一直都存在一個問題。
「點解永遠都做唔到嗰張圖咁,每一塊都係厚身鬆起嘅?」

有日睇個節目介紹整pancake,個謎底終於都解開咗。

唔知大家有無留意到,煎pancake時有一個步驟話要將燒熱咗嘅煎pan放喺濕布上面降溫呢。
原來我一直都係做錯咗呢個step,溫度降得太低,唔足以令到個pancake升高。
升唔高個pancake就自然唔會鬆軟。

跟住節目所介紹,照住盒pancake粉上面嘅指示做,我終於做到想要嘅效果喇。

順帶又講吓,上個星期我喺一個日本網度發現,今日原來係pancake日(ホットケーキの日)。
好奇下去查吓點解今日係pancake日喇。

原來當年日本錄得最低氣溫(旭川-41.0℃)就係1月25日。
天氣凍,要食pancake、中華まん(菜肉包)呢啲暖嘅嘢嚟暖身。
所以今日係ホットケーキの日亦都係中華まんの日。