泥棒

 
誰?!
泥棒(小偷)?! ∑(゚Д゚)


以前企高伸手都掂唔到枱面上面啲嘢。
而家就算我坐對面,佢企高我已經見到佢個頭同隻眼。
真係比之前高咗好多。

前日吼我唔留意,仲跳埋上餐枱櫈度。
掃咗枱面個USB落地下。


前日吼我唔留意,仲跳埋上餐枱櫈度。
掃咗枱面個USB落地下。

除咗枱面,hime呢排成日想去搞個門鎖。
成日企高,喺門鎖下面個位置伸到自己長一長。
我怕終有一日佢好似我喺網上面睇ネコ用ドアをつけました條片咁,隻貓識門自出自入。

到時唔係掃枱面嘢咁簡單,係有賊入屋。

 

廣告

魚の煮付け (附食譜)


2013.01.29 魚の煮付け

之前想試吓整日式嘅煮魚,嗰刻雪櫃有pack目鯛魚柳,於是就拎咗嚟做實驗。


魚肉解凍之後用料理酒醃15分鐘辟腥味。
15分鐘後會見到啲料理酒變濁咗,印乾魚柳嘅水份。


若果好怕腥的話,可以再搵滾水略略淥一淥佢。

繼續閱讀 “魚の煮付け (附食譜)"

10蚊份

細房係其中一個地方唔俾hime入去。
但呢個囡成日借啲以趁我哋唔為意就走入細房。
知道俾我發現啦,有時會即刻走返出嚟,有時要趕先出嚟。
有晚hime又係偷雞走入房,叫極佢都無意思出嚟,於是就入房睇吓佢搞咩。


ヒメたん発見!


平時入到房hime點都會郁吓,睇吓我會唔會有下一步action,再決定要唔要即刻走。
今次入到去,點叫佢都唔走。
越話佢就越擺出一個瞓得好舒服嘅樣出嚟,完全無打算走嘅意思。


原來呢個籃我係用嚟擺衫,佢瞓上去擇住我件衫,佢當然瞓得舒服。
早知阿囡你要瞓膠兜嘅,我洗乜買張床俾你呀!?
俾個膠兜你,掉幾件衫入去得啦。


一個籃裝住一隻貓,就好似街市一個膠碟住啲魚咁。
10蚊份!

 

 

惣菜パン


2013.02.20 チーズ鮭フレーク、ハムソーセージ、卵のタルタルパン

又好耐無整包。
想整,但唔想整方包。
腦裡面出現咗-惣菜パン。

搵沙律醬撈埋啲三文魚碎;整樽他他醬烚多隻蛋做碎蛋;切條腸仔唧啲茄汁。
每一個包上面啲加啲芝士,入焗15分鐘就有新鮮麵包出爐。

感覺上比起整方包更加快更加方便,仲可以一次整幾種味嘅包添。

1歳になりました!


1歳のお誕生日おめでとう~

1歲~ 即係人嘅20歲
2013.02.20 4.6kg

眨吓眼呢個囡1歲喇。

初初見到hime時佢都仲未夠3個月。


2012.05.28
到我哋抱上手時先真正足3個月。當時細隻到一隻手幾乎已經係佢成個身嘅長度。


2012.06.12
3個禮拜後接hime返屋企。
初初返到屋企時仲係驚驚青青咁,喺佢身邊行快啲都會吠人。
不過呢個囡好大膽,好快就習慣。
第3日已經攤大晒個肚嚟瞓~


2012.07.12
1個月之後同佢轉咗天然糧,襯仲未識得揀時,快快同佢脫離味精行列。


2012.08.16
我哋決定早啲同hime做desex,初頭我哋以為佢desex完乖咗。
點知原來係啲麻醉藥未過,藥力一過佢又成隻生猛晒,繼續通屋跑。


2012.09.26
初初嚟到時最愛瓹電視櫃底。
瓹瓹吓瓹得入上半身,個pat瓹唔到入去。

2012.10.01
呢個囡越大越識得嗲人。
試過好幾次當我哋抱住佢時候都可以瞓到震晒,每朝早又要攣完人一輪先安樂。

2012.11.01
除咗攣人,每朝都要睇街望雀仔。
嚟到10日左右之後發現呢個活動就日日如事,要睇過望過先安樂。


2012.11.17
呢個囡唔乖時真係氹得人幾開心。
但發起脾氣上嚟似足我一樣咁鬼死硬頸!!
當然我要佢屈服喺我強權之吓喇!
呢張相就係有晚俾我鬧鬼佢時唔憤氣嗰個眼濕濕嘅衰樣。
人人呢張相都覺得佢係含住泡眼淚。

2012.12.06
hime出世後第一個冬天,雖然係挪威貓,又咁厚毛,但唔知呢個囡到底有將咁唔怕凍,所以都係買張床仔俾佢。
但呢個囡對瞓上呢張床度嘅意思係少之又少,完全唔覺得凍,我覺凍時佢仲可以攤長晒個身打大個肚瞓都無問題。
張床瞓得最長我估都係影呢張相嗰日。


2013.01.30
由1.38kg到而家4.6kg,加上冬天啲毛厚啲,同初初貓B時相比,大個咗好多。
由開頭驚驚青青嘅hime到而家會走嚟過大聲「喵」我話我好唔理佢。
見到佢咁嗲人,唔理佢好似好慘咁,又會放低手上做緊嘅嘢俾佢嗲吓。


おめでとう!ヒメたん♡