ホシノ山食でエッグトースト


2013.08.14

牛油搽麵包
照燒雞肉三文治
史力加多士
三文魚芝士多士
French Toast
Bread Pudding

8月有多位新朋友


2013.08.25
エッグトースト

 

睇掌


有日喺網上見到一個test係講睇貓掌知性格。

於是捉阿囡隻手嚟睇下。

結果係……


D

唔知呢個test對其他貓嚟講係咪都準。
但對hime嚟講絕對同D呢個答案吻合。

好奇心我會大部份貓都係,可以係話天性嚟。
至於大膽,由接個囡返屋企嗰刻已經知道。
第一日返到屋企,由個籠度走出嚟周圍探索,佢前後用咗1分鐘就可以踏出佢第一步。
よこそう! ヒメちゃん -Welcome Home-

hime對所有嘢都有興趣,特別係我哋食嘅飲嘢佢全部都有興趣去聞。
當中要數最經典就係聞檸檬。
レモンと戦う -Lemon Fighter- 】

同一件玩具,只要每日都擺喺度的話,會越嚟越對件玩具失去興趣。
將收埋佢幾個月先再拎出嚟的話,絕對可以當佢係一個新玩具咁玩。
ヒメーゴーランド -hime go round- 】
お尻フリフリ -Waggle bum hime-

就算hime最愛嘅ebiちゃん都好,都要久唔久用啲新方法嚟同佢玩。
之前拋上個cat climber度玩;近排就當ebiちゃん係排球、我彈佢撲。
えびちゃんと遊ぼう -Let’s play with ebi-

有時無啦啦喺屋企打8字咁通屋跑。
地下跑上梳化背、再由地下跑上cat climber、再落返地再跑上房二樓。
跑完一輪又攤喺地抖,我稱之為放電。

估唔到貓掌都可以睇到貓嘅性格。



Instagram

Caramel Chiffon


2013.07.28 キャラメルシフォンケーキ

呢個焦糖味嘅chiffon cake係我上個月焗嘅。
整完呢個蛋糕之後我停咗2個禮拜無整任何包同蛋糕,因為我整親手。

幾年前曾經整過一次pudding,個焦糖煮得又杰又苦,之後再整都係一樣。
嗰次之後我就無再過整焦糖。

叫男友喺書度揀一款想食嘅chiffon cake時,曾經講過話想食焦糖味。
見屋企有成1kg砂糖,我可以試到做到為止。


第一次:
準備熱水。煲內加水煮融糖,糖轉色閂火加剛才準備嘅熱水調較杰度。
加水落糖水時發出咋咋聲而且有白煙。
味道:
苦!

如我所料,自己煮嘅焦糖係苦。
明明我上Youtube睇完又睇人哋點煮,點解都係苦!?

再試!

第二次:
準備水。煲內加水煮融糖,糖轉色閂火加剛才準備嘅水調較杰度。
加水落糖水時無咋咋聲之餘都無白煙。

當我呆咗咁諗緊點解嘅時候,我右手已經俾彈上嚟嘅焦糖彈中咗。
其中一撻仲要見住侷即刻淥熟咗。

開初我都以為無咩問題,因為唔覺痛,又無起到水泡。
而呢次整嘅焦糖都未如理想。
如事者我繼續試,知道咗頭先係因為無用到熱水所以啲糖彈得咁勁。
第三次再整時無再做錯,而且終於都整到好味嘅焦糖啦。

搽咗燙火膏,見隻手無事當然繼續整埋個蛋糕佢啦。
以為無咩事嘅我,幾個鐘頭後淥熟咗嘅位置起咗個大水泡。
呢次係我整嘢食以嚟,整得最傷嘅一次。

好在最後買咗隻消毒藥膏搽,傷口無發到炎。
如果唔係要睇醫生的話,呢個蛋糕真係貴啦。