焼き納め


2014.01.30
是日年卅 歲晚收爐


本來諗住焗埋butter roll就收爐。
但眼見雪櫃個星野仲有一次,等過年之後先再焗怕擺得太耐。
尋晚食飽飯嗱嗱聲開機打麵團,今朝造型發酵等焗。
啱啱好1點前搞掂晒,正式收爐。


今日呢個星野超王啲色焗得幾靚,夠晒金黃。
不過樣有啲怪,其中一個山頂爆開咗口。
但釜伸び(烤焙彈性)同上色都好勻好靚,嗰個爆口我會氹自己係個包伸び伸び得太開心,我係唔會介意嘅。

而家屋企有好多包,盤滿鉢滿過肥年。

廣告

my tiramisù


2014.01.10 ティラミス

屋企會出現呢個甜品連我自己都覺得有啲意外。
聖誕節個cake令我抽起條甜品癮。

出開去烘焙舖頭買cream cheese。
買咗1kg,一來比平時超級市場買到嘅抵得多,二來呢隻cream cheese得烘焙舖先有得賣。
除咗用嚟整chiffon cake之外,仲諗吓cheese cake以外仲有啲咩甜品係會用到cream cheese。

上網睇過整tiramisu唔一定要用mascarpone,用cream cheese都得;
亦唔一定要用中ladyfingers,用sponge cake就可以。

問過男友佢有興趣食tiramisu。
咁就啱晒啦!
又可以清咁啲cream cheese、又可以俾我練吓整génoise。


新用呢隻cream cheese真係香好多。
比較之下水份比之前嘅要少啲,聞落都香濃啲。
用佢整出嚟嘅cheese chiffon比較更明顯,用同一份量,芝士味都比之前嘅濃。

一向我都麻麻哋tiramisu。
我唔鍾意浸到爛嘅ladyfinger,同埋嗰陣好搶嘅酒味。
自己整呢兩樣都可以飛走晒,成為一杯我鍾意食嘅tiramisu。

ロールサンド


2013.12.30 ロールサンド

2013年最後一個包係牛油卷。
簡單㚒咗沙律菜、煙三文魚做三文治做早餐。


平時整牛油卷男友唔會話鍾意色,就算以前用湯種整都好,一樣唔多好。

13年開始咗用星野之後,整湯種嘅次數真係一隻手都數得晒。
加上年8月嘅時後試咗好多唔同嘅麵粉,而家會睇整咩包去決定用咩粉,出嚟嘅包都同以前好唔同。

牛油卷我鍾意佢脹卜卜,所以高筋粉今次用super king。
super king×星野呢個組合係無得頂嘅。
加上有盒大嘅3.7牛奶喺雪櫃,於是水份全部用晒牛奶。
成個包出到嚟又好咬口、仲好香牛油同牛奶味。

呢個配搭男友可以空口食咗兩個。
仲話㚒腸仔或者其他嘢一齊食的話會嘥咗個包。
聽得我好開心,好想又再整過,因為今次卷得仲未算脹卜卜。

仲有!
我好鍾意今次牛油卷個底嘅爆口,我覺得佢爆得好靚。
如果每截都咁爆、爆到上個面度就perfect啦。

お誕生日おめでとう♪


2014.01.19 誕生日ケーキ

是隔2年,今年再整返生日蛋糕俾男友啦。
前年整嗰個係Double Fromage,上年停咗一年無整。
Christmas Cake令我對整cream cake有返啲信心,於是今年再整男友最愛嘅cream cake。


冬天整cream cake有樣好,因為士多啤梨當灶,一定有好好味嘅日本士多啤梨做topping。
本來想用さちのか(幸之香),但行咗兩間supermarket都係得啲熟到黑嘅。
最後買咗盒あまおう(甜王)同一盒Raspberry做topping。

男友覺得今次甜王好食過上次嘅露之水滴。
甜王真係紅啲、甜啲,但相對無咁香士多啤梨味。


今次唧cream用咗聖安度唧咀,買咗都係第一次用,所以唧得一啲都唔靚。
但勝在呢個裝飾方法易遮醜,可以扮隨意,唔一定要工整。

marble


2013.12.29 黒ごま練乳シフォンケーキ

呢張相係繼christmas cake之後近期鍾意嘅相。

做過一次雙色嘅chiffon cake之後,又好想再做。
揀咗有一排無整嘅芝麻味,同近排好鍾意用嘅煉奶味。


今次呢個marble接近返我想做嘅樣啦。
起碼蛋糕底(定叫面呢?)同側邊睇埋去都係每隻色有啲嘅。
唔似得上次個底咁,望埋去得一忽係抹茶味,其他都係紫蕃薯。

今次呢個chiffon仲有另一個實驗,就係-撻!
上次紫蕃薯chiffon雖然個色做到,但其實唔合格。
因為個面凹得勁,嗱埋一住啦。
令我今次想實驗下出爐撻下個蛋糕會有咩效果。


撻一撻個面真係少咗回縮問題。
成件chiffon都係鬆軟嘅,唔會話有個位實啲。
亦證實咗撻同凹底係無關係。


下次整咩色好呢?