新しいSOFA


月頭時客廳換咗擺位,希望hime可以多啲地方跑。


執位前客廳只得一條走廊,而家變咗個正方形,hime而家可以大回環咁喪跑。


搬走咗舊嗰張「觀景台」,換嚟一張「特大觀景台」。
而家鍾意趴喺度睇又得;


攤喺度睇又得!
疏乎過之前多多聲!


仲可以由梳化頭玩到去梳化尾。

 

廣告

雲呢拿條再利用&保存


2014.04.03 バニラシュガー

近來大愛嘅雲呢拿條,無論蛋糕定布甸,我都鍾意食到一粒粒嘅雲呢拿籽。
每次刮完啲籽嚟用就掉咗個雲呢拿條的話其實好嘥,佢仲可以做雲呢拿糖架!


刮咗籽嘅雲呢拿條香味仲好濃,直接放入砂糖入面足夠令砂糖變做雲呢拿糖。

若果雲呢拿條曾經放落牛奶之類煮過整濕咗的話,用完之後搵水洗乾淨風乾,再放落糖度一樣可以做雲呢拿糖。

平時雲呢拿條除咗放雪櫃之外,亦可以擺入砂糖入面室溫保存。

整咗出嚟嘅雲呢拿糖可以用嚟整多士、french toast、曲奇、蛋糕等等。
出面買雲呢拿糖我見過要成$50-160都有,貴得嚇人。
自己整個做法又簡單,而且可以好好咁利用晒條雪呢拿,一啲都唔好嘥!

 

無水薯仔燉肉


2014.03.30 無水調理肉じゃが

前兩篇blog分享咗定番家庭料理-唐揚げ
今日講吓另一個家庭定番のおかず(小菜)-肉じゃが(薯仔燉肉)。

以前其實都分享過薯仔燉肉嘅食譜,仲講過佢係一個唔錯嘅常備菜嚟。
再分享嘅原因係今次係「無水」版。

近來無論香港定日本都流行一種煮法叫無水煮/無水調理。
意思係唔加水份或用少量嘅水去煮食,從而減少食物中嘅水份流失,鎖住食物原有嘅鮮味。


睇吓!除咗調味料之外,我真係一滴水都無加過。
但有好多汁,足夠攞嚟撈幾碗飯!

而且無水調理,炆出嚟嘅嘢更加入味!
色水靚過之前所做嘅好多,但又唔會話炆到散晒。
舊舊薯仔都係輕輕一夾就會散開,平時好難入味嘅紅蘿蔔都夠晒入味,唔會食到嗰陣紅蘿蔔味。
呢個係我整咁多次肉じゃが以嚟,最好味嘅一個做法。
所以又有新食譜啦!

繼續閱讀 “無水薯仔燉肉"

Crème brûlée


2014.03.30 クリームビュレー

呢排好用雲尼拿籽,之前整Crème caramel,平日做茶點嘅chiffon cake,我全部都加咗雲尼拿籽。
仲會走去諗,有咩係會落雲尼拿籽而我又會食架呢?
我諗起Crème brûlée。


整Crème brûlée要用到火槍,無火槍嘅我走去置多樣工具返嚟。
屋企唔夠細嘅甜品杯,於是又走去買。
萬事俱備,等男友放假時就立即開工。


第一次用火槍,仲未太掌握得到啲「火候」。
個焦糖我覺得燒得唔夠好,做唔到好似磨砂面、隱約見到一粒粒糖咁。
唔知係咪用嗰隻砂糖太幼身呢?

不過我應該有機會繼續練習。
因為男友話比起Crème Caramel,佢更加鍾意食Crème brûlée。

 

牛肉にチャレンジ


每次整飯俾hime食,離不開最基本嘅雞胸肉。
試過一次買咗塊魚柳俾佢,點知佢唔多吼,食食吓寧願去食返乾糧。
呢個囡真係好唔鍾意食魚。
hime細個時曾經買過包魚味嘅orijen俾佢食,佢都係食得好唔願意。
諗返轉頭,佢其實幾叻,日日食住自己唔鍾意嘅嘢食,仲要食足個幾月。

之後無再俾過魚佢,keep住俾雞胸。
雖然hime嘅主要食糧都係乾糧,但個個禮拜咁整,又淨食雞胸,好似唔係咁均衡。
於是諗住買本書嚟睇啦。

繼續閱讀 “牛肉にチャレンジ"