STAUB日常使用和保養

最近喺網上見到唔少人討論買咗STAUB之後嘅問題。
除咗討論第一煲煮咩好之外,見問得最多、最緊張嘅問題就係點「養鍋」。

初初考慮買STAUB嘅時候都曾經俾「養鍋」呢兩個字嚇到,聽落好似好煩。
但明白咗個原理,「養鍋」其實唔需要刻意去做。

用咗STAUB半年,分享吓我平時係點用同點「保養」個煲。
等未買嘅、考慮緊買唔買嘅,甚至買咗但唔係好知點湊呢舊大鐵嘅朋友可以多一個參考。

【新鍋使用前】

  • 用洗潔精同暖水洗煲𥚃外,然後抹乾。
  • 用掃將食油搽勻煲內𥚃同煲邊放至乾透;亦做法係搽油後用最細火加熱2-3分鐘然後將多餘嘅油抹乾。

▲買STAUB時職員教用廚房紙去搽同抹走多餘嘅油,但我發現有啲廚房紙抹多兩抹會開始甩細細粒紙碎出嚟,所以我鍾意用矽膠質地嘅掃去掃油。

▲我個18cm買返嚟之後我做完STEP1之後就用嚟炸雞,原理同細火加熱個煲等佢吸收油份其實一樣,我自己覺得效果比就咁掃油等佢乾好。但要肯定抹乾所有水份、個煲完全係乾身先好落油。

【日常使用保養】

鑄鐵鍋係越用得耐就越靚,基本上我每日都會用到STAUB。而且而我嘅「養鍋」步驟喺炸嘢時同步做埋。

STAUB煲同蓋冚實的話會有機會令到個煲生銹,若果2-3日都唔會用到個STAUB的話,用買煲時分開煲同蓋嗰個煲夾,避免煲同蓋密封。

唔好用鋼絲刷、研磨劑、漂白水呢啲嚟洗煲,會令煲表面嘅塗層受損。
要等煲攤凍之後先可以拎去洗,煲仲係熱就拎去洗的話,溫度相差太大令塗層受損甚至個令到個煲裂。
用完個煲若果太油的話,用海棉加少少洗潔精同用暖水洗煲,洗完要用布彻底抹乾。

▲通常用完個STAUB,當晚又有烚菜或者蒸嘢的話,我會用呢啲熱水倒落去仲熱嘅STAUB度,跟手洗埋個煲。

最好用木、竹或者矽膠嘅廚具去煮食,避免整花個琺瑯塗層。
STAUB係唔可以用大火嚟煮食,火避免大過煲底,要用細火至中火。
煲底如果結焦或煲濃痴底的話,用水同梳打粉開細火煲,水滾後計煲10分鐘後閂火,等完全攤凍後用海棉可以將焦去除。

▲水嘅份量大概係200-400ml落1-2湯匙梳打粉,視乎返煲嘅大細同結焦嘅程度。

 

★以上純粹是個人分享★
★如有任何懷疑請依照STAUB所寫嘅清潔程序同使用說明★
廣告

3 thoughts on “STAUB日常使用和保養

留言

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s