辣拌魷魚絲 -ojingeochae muchim-(附食譜)


2014.06.29 오징어채 무침(オジンオチェ・ムチム)

天氣越嚟越熱,個人越嚟越唔想煮飯。
呢個時候除咗公仔麵,最好不過就係打開雪櫃就可以有得食。
又係常備菜出場嘅時候。

除咗日本,韓國都有好多常備菜。
睇綜藝節目見到佢哋食一款魷魚絲好似好好餸飯咁,一直都想整一次。
上網睇咗幾個食譜,最後參考咗yoon sona嘅食譜,自己再改咗少少份量。
早兩日去咗韓國街,買咗包細嘅魷魚絲,尋日就郁手整。

Continue reading “辣拌魷魚絲 -ojingeochae muchim-(附食譜)"

廣告

冷蔵庫の調味料


雪櫃入面嘅新成員-調味料びん。

豉油、味醂同料理酒呢三樣調味料開咗之後就要放雪櫃。
啲樽多數唔同顏色又唔同大細,我好唔鍾意。
一直都搵有咩樽啱用等我可以換晒佢哋,可惜一直都搵唔到。

過去2年幾我係用同一牌子嘅水樽裝,叫做統一咗佢。
不過用水樽唔好清潔,隔一段時間就要換樽。
而且倒調味料嘅時候有機會搞到個樽身都有,都係煩。


忍唔住卒之上網買咗呢3個調味料樽返嚟。
樽身係玻璃,方便清潔。
而且瓶口係矽膠做,用熱水清潔都無問題。
最緊要係每次倒嘅時候都好順,唔會倒完之後漏到個瓶口周圍都係。


除咗裝調味料之外,仲可以用佢嚟整dressing。
因為佢防漏,可以直接倒晒啲材料入樽,閂埋蓋搖勻就得。
直接上枱,用完直接擺返入雪櫃,好方便。

希望有一日雪櫃入面可以全部換晒白色,所以呢個樽啱晒colour tone。
加返我最鍾意貼唧dymo喺上面,靚晒!