近況


眨吓眼hime已經29m。


之前同hime打防疫針,出街前2個禮拜已經知會咗佢。
到出街前兩日拎定個出街袋出嚟,諗住俾佢習慣吓啦。
點知今年大個囡唔同上年啦,一拎個袋出嚟,聞兩聞就已經跳咗入去。
又玩又舔毛,完全唔覺得有問題。
到我拎相機出嚟影佢相,為咗避開鏡頭唔俾我影佢相先跳返出嚟。


上個月hime好鍾意咬我!而且淨係咬我!
觀察咗一排佢係有求於我時就會咬我。
要我focus喺佢身上就會咬,咬完全係為咗表達。
打、鬧、罰咩都做齊佢都無改善仲變本加厲。

最後出絕招-企缸。
無論用牙印定咬我都好,一律要困入企缸。
再閂埋門,我喺出面聽歌睇電視完全無視佢啲慘叫聲。
第一日俾我困咗3次,時間一次比一次長。
期間佢慘叫到真係聽到心都寒,但係都要狠心,唔係咁佢唔知驚。


罰完再哦。
同佢講係壞習慣,一定要改。
第二日已經有改善,不過久唔久都會有想咬人嘅動作。
經過一個禮拜嘅罰完再哦,情況已經改善咗好多。

休息站薯仔 -hyugeso gamja-(附食譜)

2014.06.28 휴게소 감자

連我自己都估唔到,相隔16年我竟然會鍾意一隊新band,仲要係韓國band。
以前都有聽過兩隊韓國band,但都係10年前嘅事。
雖然有睇過live有買過CD,但未去到迷!
就係咁,6月開始屋企又再次出現咗一堆K-Food。


比起上個post嘅辣拌魷魚絲,呢個更加更加簡單。
而且佢一啲都唔泡菜、一啲都唔紅,唔講其實唔覺得佢係K-Food。
不過喺韓國嘅休息站一定會見到佢嘅出現,亦係必食item-休息站薯仔。

最近留意到有一袋袋嘅韓國迷利薯仔,試過一袋覺得唔錯。
因為呢隻薯仔夠晒粉,啱晒平時整薯仔沙律、薯餅。
而且佢係迷利size,整呢個「休息站薯仔」就晒,啱啱好一啖一個。

Continue reading “休息站薯仔 -hyugeso gamja-(附食譜)"