釘煮玉筋魚(附食譜)


2014.08.23 イカナゴ釘煮

每逢春天開始,神戶一帶嘅每家每戶就會開始整呢個郷土料理-釘煮玉筋魚。
之所以叫做釘煮,其實係啲玉筋魚煮好之後就好似生鏽嘅釘一樣。

釘煮係佃煮嘅一種,主要材料係豉油、味醂同糖。
味道甜甜哋帶鹹,送飯一流。
而且煮嘅過程係將調味料煮至收汁,大部份嘅水份煮揮發晒,唔易變壞。
保存得好嘅話,呢個餸係可以擺雪櫃擺足1年嘅常備菜。


新鮮嘅玉筋魚撈起後一日之內就要煮,如果唔係就會變壞。
所以喺香港搵到嘅都係煮熟咗再經過曬乾嘅乾貨嚟。

玉筋魚仲有一個好得意嘅名。
有次行過和風惣菜部時見到一盒盒嘅魚乾仔,其中一款就係叫「小女子」。
見$20一盒仔於是買咗盒嚟試,試完發覺唔錯,而且男友都鍾意食。
於是又上網睇到底係點煮啦,一查先知原來一直認識嘅玉筋魚另一個名叫做小女子。
見到香港有乾貨嘅玉筋魚賣,呢度一籃都係$38,可以分到煮兩次 。
因為係乾貨,所以做法同時間都比整新鮮嘅簡單同快好多。

Continue reading “釘煮玉筋魚(附食譜)"

泡菜炒飯(附食譜)


2014.08.09 김치 볶음밥

一到夏天真係熱到我完全諗唔到想食咩。
諗完一輪先諗到煮咩,但對住個爐煮完熱到根本無咩胃口食。
呢排成日都無咩心機整嘢食,所以連相都少影咗。

食公仔麵都食到我悶,加上好耐無影相啦,係時候要整啲嘢食出嚟。
發緊韓瘟嘅我醒起只係整過泡菜炒烏冬泡菜拌麵,但無整過泡菜炒飯。

中式炒飯喺屋企要炒得好食係好難,因為無鑊氣。
但泡菜炒飯唔洗鑊氣,而且過程非常簡單,絕對係K-FOOD入門必學菜嚟。

Continue reading “泡菜炒飯(附食譜)"

Crème Caramel in Weck Jars


2014.06.16 カスタードプリン

有一排不停買WECK jars 。唔經唔覺屋企啲WECK jars已經夠數可以用嚟整pudding。
平時用開嗰個recipe,份量大概係8杯牛奶樽仔。
若果用weck的話,用140mlsize嘅樽的話啱啱好係6個。


要消耗一盒1L嘅牛奶最快嘅兩個方法-煮白汁+整pudding。
用WECK jar整pudding除咗靚之外,就係個份量足、食得滿足。
平時用牛奶樽,食完一杯又想食多杯,但食夠兩杯又多得滯。
而家大概係1.5杯牛奶樽,感覺啱啱好。

因為無整topping,今次無用我愛嘅雲尼拿枝改用咗雲尼拿油。
但始終覺得差咁啲,下次唔影相的話一定要用返雲尼拿枝先得。