オモテサンドウコーヒー

IMG_8178
2016.06.07 Omotesando Coffee

喺日本,好多咖啡迷同遊客都會去Omotesando Koffee朝聖。
上年12月日本表參道嘅總店已經執咗,喺日本而家只係得返東京港区虎ノ門嘅分店。
不過到5月時喺灣仔開咗佢哋第1間海外分店,1個月後人潮過去,路經我就1個人嚟朝聖一下。

我去到嘅時候啱啱係lunch hour,門口都有3、4個人排隊。
喺排隊嘅時候已經有職員俾定個menu我睇,加上主要得咖啡同小食,所以排隊嘅時間完全唔耐。

見到menu上面寫住cappuccino係佢哋嘅BEST,好直接揀咗呢個,另外再加多個Kashi。

IMG_8146
舖頭分兩層,地下嗰層係外賣嘅,樓上嗰陣就係堂食。
一場嚟到當然上去樓上坐坐。

上到去將張飛仔俾職員之後,問我會想揀邊種咖啡豆。
Omotesando Koffee有2款咖啡豆,一款烘焙程度較深、味道較濃;另一款果酸味較重,較酸。
我怕果酸味,所以揀咗前者。

IMG_8175
Cappuccino今次我揀咗single shot($42),另外有double shot($50)。
的確係比平時喺Starbucks嘅香濃同厚,奶嘅比例都無咁重,而且奶泡細緻好多。

Kashi($18)其實係baked custard square,我覺得有啲似canelé。
就咁食可能覺得無乜特別,但配埋咖啡真係唔錯。
唯獨係咁細舊要$18我覺得都幾貴下,試過就可以。

IMG_8176

 

Omotesando Koffee
香港灣仔皇后大道東200號利東街G24-25號舖

廣告

梅仕事

IMG_5108
2016.06.16 梅仕事デビュー

6月係浸梅酒嘅季節。
梅酒同梅汁除咗飲之外仲可以用嚟煮餸,係其中一個原因令我想加入浸梅行列。

喺浸梅酒嘅季節期間,通常賣梅嘅地方旁邊都會有埋酒、冰砂糖甚至浸酒用嘅樽賣。
有啲產品係一個細細嘅樽,裡面已經有酒,只要加糖同想浸嘅生果就可以開始。
某啲生果可以快到3日就可以飲,完全新手都無難度。

IMG_5101
我本身唔係話好飲酒嘅人。
梅酒呢啲較甜同有果香嘅酒比較接近我鍾意飲嘅,所以今年心郁郁想自己試浸。
煮韓國餸時久唔久就需要用到梅汁,所以想自己浸啲嚟煮餸用。
而且夏天可以加梳打水沖嚟飲消下暑,唔洗下下飲汽水凍咖啡嘛。

今次買咗1.5kg完熟嘅南高梅。
多數浸都係會揀青梅去浸梅酒,但呢種黃色完熟嘅南高梅帶一陣陣嘅桃香味。
用佢嚟浸酒會比用青梅更fruity,我一路抹乾梅時就一路聞到好香。

Continue reading “梅仕事"

うふふカフェ

IMG_7897
2016.06.03 うふふカフェ香港店

近排好有食神,禮拜一先食完Buffet,禮拜五又出去食過。
收到PR嘅邀請,上個禮拜五同旦那さん兩個去咗喺尖沙咀新開嘅Ufufu Cafe參加試食活動。

IMG_8020
嚟自日本九州佐賀縣嘅Ufufu Cafe,繼2月喺澳門店開設首間海外店之後,今個月喺香港開設第2間嘅海外店。

IMG_8038
當朋友知道我去咗Ufufu試食時,第一句問我嘅就係:「聽聞有百幾款揀喎,你揀咗邊款?」

IMG_7899
【UFUFU招牌咖啡/うふふオリジナルコーヒー】

我呢個咖啡人第一時間就當然係㨂返杯咖啡飲先啦!
要試一個地方嘅咖啡我習慣叫熱嘅,凍嘅總覺得試唔真。
呢杯咖啡果酸少、質地較薄,中規中矩啦。

IMG_7904
【抹茶忌廉拿鐵/抹茶クリームラテ】

當日成32℃咁熱,喺條間度曬完加蒸完一輪,真係諗都唔洗諗係會揀杯凍嘢嚟飲。
如果我唔係想試咖啡我都想揀凍飲去降吓溫。

旦那さん鍾意飲抹茶嘅飲品,揀咗呢杯Matcha Latte。
雖然知道Latte大概2/3杯都係鮮奶,但飲落始終嫌佢抹茶味唔夠,差咁啲。

IMG_7912
【蜂蜜芝士薄餅/チーズ&ハニーピザ】

曾經睇日本Youtuber食pizza時加蜜糖,見到menu真係有個蜂蜜pizza喎,於是揀咗呢款。

IMG_7941
蜜糖係有個細樽仔裝住,可以因個人口味作出加減。
唔試過都唔知,原來蜜糖加芝士真係幾好味。

IMG_8033
芝士有啲似我哋平時用嚟整Cheese Toast嘅Raclette Cheese。
因為聞落有陣芝士除,不過唔算勁。
試過呢個pizza之後,即刻覺得平時喺屋企整芝士多士可以加埋蜜糖食,好邪惡!

IMG_8042
【漢堡扒拼熟成牛腹扒 配UFUFU招牌汁/ハンバーグ&熟成ハラミステーキ withうふふオリジナルソース】

想試牛扒又想試漢堡扒,好在有得一個鐵板兩樣都要晒。
醬汁有Ufufu招牌醬汁同九州特色醬汁,我哋揀咗招牌醬汁。

IMG_7876
食鐵板餐最怕淋汁時俾啲汁彈到落身同整污糟件衫。
日本人嘅細心,準備咗圍裙俾客人,咁就可以放心食啦。

IMG_7924
鐵板可以揀跟SET,有沙律、飯呀、酥皮湯咁。
我哋另外叫咗個蛋包飯,所以無揀到跟SET。

IMG_7969
多數出面餐廳食到嘅漢堡扒都較乾,呢個唔乾仲有啲肉汁。

IMG_7997
【明太子忌廉汁蛋包飯/明太子クリームオムライス】

蛋包飯嘅汁大致可以分咗洋風同和風。
多數接觸到嘅都係洋風,好似白汁、茄汁同ハヤシソース(牛肉汁)咁,至於和風相對較少接觸。
今次見到有明太子嘅蛋包飯,於是就揀咗呢個試吓。

IMG_8003
我鍾意蛋包飯嘅蛋係滑蛋而唔係蛋餅,飯係茄汁炒飯,不過個飯濕咗啲。
平時唔鍾意食大葉嘅我,今次呢個配搭我又覺得OK喎。
至於個明太子忌廉汁我同旦那さん都覺得咸咗,就算配埋蛋同飯食都覺咸。

IMG_7973
【焦糖軟雪糕牛角包/キャラメルクロワッサンソフト】

近幾年我好鍾意焦糖味嘅嘢。
食Cornflakes要揀焦糖味;飲Caramel Macchiato要將個vanilla syrup轉埋做caramel syrup!

打開個dessert menu除咗有百幾款Parfait之外,最吸引我嘅就係呢個軟雪糕牛角包。
有我愛嘅牛角包配埋焦糖雪糕同焦糖醬,諗都唔洗諗,佢一定係今餐其中一個甜品。

牛角包係熱,軟雪糕係凍,影慢啲個雪糕都會開始融!
因為個軟而雪糕凍嘅關係,面頭嗰個焦糖醬變咗脆身,好正好好食。
初頭覺得個牛角包會俾雪糕整到腍咗,但又無喎,牛角包暖暖哋,仲食到鬆軟嘅。
我好少話會鍾意食啲又熱/暖又凍嘅甜品,因為我覺得係唔夾同怪,但今次呢個係例外,佢真係好味。

IMG_7990
【士多啤梨酥餅軟雪糕芭菲/ソフトクリームストロベリーミルフィーユ】

除咗個牛角包又點少得佢哋主打嘅Parfait呢。
有成115款嘅Parfait,係真係會有選擇困難症。
Parfait大致分咗水果、乳酪、和風、焦糖、朱古力、粟蓉、咖啡、牛奶軟雪糕同埋MIX 9類。
分類都分咗咁多,再要細揀,真係心大心細有排揀。

IMG_7993
我認為Parfait係要有士多啤梨嘅,唔想太複雜,所以喺menu上面揀個淨士多啤梨嘅。
雪糕係用3.6北海道牛乳軟雪糕,中間啲脆脆配埋個雪糕食幾得意,而最底就係生果。

IMG_7867
除咗百幾款Parfait之外,仲有另外香港限定嘅4款Parfait。
每日每款限定20客,一見到限定,雙眼都會發光。

IMG_8024
【日本蜜桃芭菲/ももパフェ】

我哋兩個都好鍾意食日本桃,加上每年5月到9月先有桃,可以話係限定中嘅限定,無理由唔揀呢個吖!
每杯都用一個整個桃去整,桃夠多汁同清甜,無咩渣。

IMG_8027
我哋1人拎咗一舊桃肉之後發現,原來桃嘅入面係一個桃嘅sorbet。
呢個sorbet好味,食落好清新,用佢嚟做成餐嘅ending好啱。

IMG_8021
整體嚟講凍飲同parfait唔夠凍,如果夠凍應該會好味好多。
食咗咁多樣我覺得焦糖軟雪糕牛角包係最好味,食完嗰刻我已經想再食。

 

うふふカフェ香港店
香港九龍尖沙咀金馬倫道5號太興廣場5樓