初!クリスマスブッフェ

img_3684
2016.12.23 Christmas Buffet @JW Cafe

2月份仲寫緊上年12月尾嘅blog,仲有2-3個關於外食嘅post想打⋯⋯幾時先有時間追得完呢?

以前一聽親聖誕buffet,總會跟住聽到「幾多個月前已經full-booking」。
年頭已經知道近聖誕時要去食buffet,唔知係咪真係咁誇張啦,但為咗穩陣起見,我都提早咗半年就book枱。

img_3685
今次一行4人,安排坐喺靠邊嘅位,可以望到下層lounge,都幾開揚。
同前後嘅枱位置就有啲啲近,不過還可以接受,比起場中間卡位枱位置算闊落。

img_3717
img_3715img_3718img_3743img_3726
每次一拎起隻碟,自自然就會走咗埋去拎海鮮。
事先知道JW Cafe嘅buffet係無生蠔,但始終覺得無生蠔嘅buffet差咁啲咁。

青口幾甜,所以拎2碟都有佢嘅出現,我鍾意食橙色肉嘅青口,不過擺出嚟嘅大部份都係白色。
好多講法話兩隻色嘅青口肉同味立都無分別,不過由細到大我都係覺得橙色係香啲好味啲。

咁多款蟹最鍾意始終係鱈場蟹,唔會太重咸味,肉質又爽甜,最重要嘅係佢係我至愛嘅啖啖肉。

拎咗5款刺身,帶子係最好味嘅;
三文魚都幾鮮甜,唔知點解香港嘅刺身永遠三文魚啲質素係最穩陣,唔知同多人鍾意食有無關呢?
赤身真係好難食,啲肉食落覺得唔新鮮同霉,食咗啖就放棄咗佢啦!

img_3710img_3711
img_3712img_3732
喺文華食buffet時,好多時一人拎少少已經好快覺飽,但明明仲有好多未食過。
今次試吓改下策略,我同旦那さん拎一碟返去兩份share,真係好食先再拎過。
呢個策略唔錯,雀仔肚嘅我哋今次有更多位試多啲嘢食,就係咁今次有沙律嘅出現。
呢碟最有味同最好味嘅都係煙三文魚。

img_3714img_3713
IMG_3746.jpgimg_3741
今次芝士有4款、cracker有2款、parma ham有4款+法包/麵包,每樣都拎咗少少去試。
仲有拎咗極少嘅caesar salad同埋其他pickles。

4款芝士當中旦那さん鍾意食Brie Cheese+cracker。
等有機會去搵吓,買啲返屋企食先。

img_3721
IMG_3720.jpg
img_3781
開頭拎刺身時甜蝦因為未嚟得切開包裝所以無得拎。
再經過時見有啦於是又拎多轉刺身,不過今次到無晒帶子啦。
除咗甜蝦之外仲有一款係北寄貝?
試晒全部刺身最好味都係帶子,食落幾甜;三文魚係第二好味,其他都麻麻地。

唔知係咪煮飯落太多水,啲寿司飯濕到有啲爛。
見佢賣相麻麻哋,所以只係拎咗稲荷寿司同加洲卷各一,寿司酢太重手,啲飯好酸。

img_3688
IMG_3686.jpg
img_3747
因為係聖誕節,所以有火雞食。
但火雞肉好鞋,火雞皮亦好靭,相比之下燒雞比較好味。
燒牛肉好乾身,完全放棄咗。
炸魚就無咩特別,正正常常。

羊架已經要求俾啲唔好咁生,但都係好生。
配菜初頭拎時以為係薯仔嚟,拎到埋位先發現原來係薯蓉+麵包?
但係咪應該有返啲汁好啲呢?

全碟入面最好味就係牛仔骨,意外哋好有牛膻香味。
而且油脂焗完好香,又唔會話食落口油淋淋。

img_3693img_3694img_3692
img_3750
喺搵去邊食buffet時見到JW有花膠食我好開心亦好期待。
花膠的確唔錯,我食咗好多塊,啲鮑魚仔都幾好味,雖然佢好罐頭鮑魚味。

另一樣我期待食嘅就係海南雞,但呢個真係估佢唔到。
見Openrice啲人話佢海南雞做得出色,係必食,諗住會有返多少水準啦。
點知食落係白雲鳳爪咁嘅味,係同白雲鳳爪一模一樣嘅酸甜味!
之後有再拎多一件試,無加任何醬汁,結果都係白雲鳳爪味嚟⋯⋯

img_3696
img_3757img_3771
今次buffet係同屋企人一齊去食,就係睇中佢呢度比較多中式嘢食選擇。
除咗花膠,中式湯之外,仲有片皮鴨食。
我本身唔食片皮鴨嘅所以無食到,但旦那さん話味道都唔錯,唔會話太肥亦無話唔夠乾身。

img_3701img_3702
有麵檔,不過見無乜特別所以我哋都無拎到。

img_3698
img_3779
咖哩有4款:雞、牛、羊同雜菜,飯就係茉莉香米。
我哋拎咗牛同羊,牛唔係話難食但無咩特別;反而羊有啲羊膻味,幾香。
而個咖哩汁都係羊嗰個香啲,好食啲。
飯就純粹係我哋唔愛食泰國米,而且飯保溫+照大射燈太耐,啲飯粒乾身到有啲硬,所以麻麻哋。

img_3705img_3706img_3708img_3792
img_3789
甜品啲花款好多,未開始拎嘢食之前我最期待嘅就係之前食過番尋味嘅macaron。
個macaron餡係雪糕類,但refill時見都係拆一盒盒嘅出嚟,似係拎貨返嚟而唔係酒店自己整。
而味道都略為甜,所以食得唔多,有啲失望。

Crème brûlée 我鍾意多啲嘅雲呢拿味,最好會見到雲呢嗱籽添,不過呢個就全部都無。
最意外嘅係嗰粒星星嘅曲奇餅,佢有好多香嘅玉桂香味,好有聖誕節feel。
仲有個Stollen,原來都幾好味架喎,無想像中咁乾身同埋唔係話好甜,rum酒味亦無想像中咁搶。

一杯二杯嘅就全部都麻麻,所以試咗兩啖都無再繼續食。
我仲拎咗一杯Haagen-dazs,真係好耐無食過啦。
味道有朱古力、雲呢嗱同cookie&cream,如果有士多啤梨味揀就好啦。
旦那さん就揀咗食White & Almond Ice Cream Bar,但有啲漏。

img_3704img_3703img_3808img_3810
豆腐花見好多年都無食所以都拎咗少少,幾滑但就唔香。

啲cake未開始俾人拎嘅時候其實個個都好靚,特別係聖誕系列嗰幾個。
不過甜品時間開始佢哋已經完全變呢一樣物體咁,所以有啲拎到已經走晒樣嘅我無拎到。
至於有拎到返位食嘅其實都麻麻。

成個buffet花款算係多,但其實無乜啲咩係話真係出色、好味。
就連話招牌嘅海南雞原來係白雲鳳爪嘅味,真係覺得幾失望。
而且我訂枱時request寫個birthday message牌仔嘅內容同我所提出嘅係有出入。
因為無人打電話同我confirm當晚booking,嗰日朝早我自己打去confirm,當然confirm埋個birthday message啦,呢個時候佢覆我都無錯架喎。
後來先知,原來原來係佢哋漏咗無打confirmation call 俾我⋯⋯

雖然上次都話文華已經無我哋開頭食嘅咁好味。
但整體嚟講我同旦那さん都覺得無論環境、服務都係覺得文華會食得開心好多。

廣告

留言

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s