6歳の誕生日

皆、お久しぶりです。(各位好耐無見)

IMG_9472
2018.02.20 6歳

經過咗2年都有生日蛋糕食之後,喺上年年中hime已經講定今年生日都要有生日蛋糕,仲要指明要食芝士蛋糕!
其實佢唔知到我仲差緊佢パパ上年同今年個生日蛋糕未整。(笑)

IMG_9503.jpg
知道呢個囡鍾意食cheese又鍾意食cream,於是今年個蛋糕滿足晒佢兩個願望。
上年個生日蛋糕雖然hime都食得津津有味,但係我哋一致認為檸檬汁太多有啲酸。
於是今年改改佢,同埋由18cm改到15cm份量,New York Cheesecake轉做再芝士味出啲嘅Baked Cheesecake。

但因為就唔啱時間無去到烘焙舖,只可以喺supermarket買盒雪印嘅cream cheese。
無用到KIRI/ELLE&VIRE嘅cream cheese,少咗份鹹味個蛋糕真係會失色好多架。
下次整一定要早早買定盒放雪櫃先得。

IMG_9506.jpg
呢個蛋糕做法可以靠膠刮同隔篩就可以,所以我都坐喺餐枱整,而hime就全程喺我隔離睇住我整佢個生日蛋糕啦。
到個蛋糕出爐之後,一放喺枱面攤涼時佢已經表現出好想即刻食,仲好清楚個蛋糕係屬於佢嘅。

IMG_9521.jpg亦因爲已經係第3年有生日蛋糕食,同蛋糕嘅合照就越嚟越爛難影。
今年無乜邊張係影到佢係望鏡頭嘅,每當佢發現叫到佢去蛋糕隔離原來阿媽係拎相機而唔係開餐時,佢就唔耐煩,見無得食就會行咗去⋯⋯

今年個生日蛋糕hime非常滿意!
我地一共分咗5日?去食,每次食嗰陣hime都有份一齊食,食到咀lam lam好滋味。
仲講定下年個生日蛋糕繼續要cheese cake添。

Continue reading “6歳の誕生日"

廣告