雲呢拿條再利用&保存


2014.04.03 バニラシュガー

近來大愛嘅雲呢拿條,無論蛋糕定布甸,我都鍾意食到一粒粒嘅雲呢拿籽。
每次刮完啲籽嚟用就掉咗個雲呢拿條的話其實好嘥,佢仲可以做雲呢拿糖架!


刮咗籽嘅雲呢拿條香味仲好濃,直接放入砂糖入面足夠令砂糖變做雲呢拿糖。

若果雲呢拿條曾經放落牛奶之類煮過整濕咗的話,用完之後搵水洗乾淨風乾,再放落糖度一樣可以做雲呢拿糖。

平時雲呢拿條除咗放雪櫃之外,亦可以擺入砂糖入面室溫保存。

整咗出嚟嘅雲呢拿糖可以用嚟整多士、french toast、曲奇、蛋糕等等。
出面買雲呢拿糖我見過要成$50-160都有,貴得嚇人。
自己整個做法又簡單,而且可以好好咁利用晒條雪呢拿,一啲都唔好嘥!

 

洋和華リゾット

好多日無update blog……
耐到連我自己都唔記得原來有咁耐。

足足一個星期喇……

原因好簡單-病咗。

唔係我病,係男友病咗~
感冒菌入胃搞到胃炎,即刻嗱嗱臨去睇醫生,煲白粥食。
到星期四真係叫做好返少少,趕得切星期五同同事出去食飯。


講返個中西日意大利飯先。

男友病之前雪櫃就有一盒冷飯,但由於佢病咗就無再煮飯……
盒飯就一直擺喺雪櫃。
之前淥咗啲菜心俾男友食淨咗啲菜芯莖,我將佢全部切晒薄片扮露荀,搵個creamy chicken soup嚟煮埋一碟。
所以有一碟中西日意大利飯出嚟~

ぉ1人ご飯 ﹣ゴーヤ「そうめん」チャンプルー﹣


早幾日整嘅ゴーヤーチャンプル(沖縄苦瓜什錦炒),仲有剩一份喺度。
今晚我就加個素麵落去,做我嘅晚餐~
沖繩苦瓜+沖繩島豆腐+沖繩啤酒
一個沖繩嘅晚餐!

$5又搞掂一餐。