念願のトースター

2019.03.24 The Toaster

4年前見到日本出呢部多士爐時我已經好!想!要!
奈何水貨要拖火牛所以無得買,只可以得個恨字。
上年年頭嗰陣話同年4月份會有港版賣喎, 好開心啦!
即刻同旦那さん講話要買,諗好晒要放邊。
點知等到8月都未見影……追問先知原來無聲無色咁變咗出貨無期。

呢部機出嗰陣我已經subscribe咗日本嗰邊個newsletter。
由一年前每收到newsletter、睇到啲recipe好吸引、充滿期待部港版出,
到後嚟見親啲newsletter都覺得好失落。
就係咁又過咗半年⋯⋯
無啦啦上個禮拜喺Facebook見到話香港有!得!賣!!!
嗰吓完全有失而復得嘅感覺。
第二日旦那さん就幫我帶咗佢返屋企啦!

IMG_1245
由於屋企第二日先有麵包出爐,所以旦那さん提議整個焗豬扒飯試機先。
完全唔係個多士爐嘅正職嚟(笑)。

以前屋企整焗飯係用焗爐去焗。
我每次食親焗飯都會有啲喉嚨痛,可能太熱氣。
但其實焗飯只係需要焗融咗面啲芝士就可以,所以用多士爐係比起用焗爐更加適合。
點知一試真係試出咗個分別!
以前焗飯係會覺得個飯啲水份抽到乾晒,但今次個炒飯底完全唔乾,仲keep得返應有嘅水份架。

IMG_1271.jpg
第二日終於有麵包,可以試焗傳聞中嘅多士啦!
呢個多士焗爐有個蒸氣功能,所以佢烘出嚟嘅多士可以做到外脆內軟咁話。
蒸汽效果係需要加一杯仔水落個焗度⋯⋯

IMG_1249
我好鍾意食厚切多士!
屋企用開嗰部多士爐只係放得落5切,4切係放唔入,要食就要喺鑊烘⋯⋯
而家想食4切絕對無難度!
好鍾意佢個發熱燈喺度開下閂下,好似舞台打燈咁。

IMG_1251
大概去到最後1′ 30″左右就開始見到個金黃色慢慢掃上去個麵包度咁。
加埋個「燈光效果」,成個畫面我覺得好療癒。

IMG_1256
我鍾意麵包烘到呢個金黃嘅顏色,大概烘咗4′ 30″。

IMG_1298
加舊邪惡厚牛油喺塊出爐多士上面,夠晒肥!
但咁樣食先係最好味!
對我嚟講,咖啡同多士係Perfect  Match。

IMG_1288
大概2年前開始我哋一直都物色緊一個電水煲。
勉強睇得啱個樣,但安全上又過唔到旦那さん嗰關,睇咗2年都係買唔到。
其實我係睇中咗The Pot架,佢又有我要嘅全白色、又啱拎嚟做埋咖啡用,但係水貨呀。
我同旦那さん講,如果買多士爐時見到有水煲嚟嘅話就睇埋!

IMG_1304
水煲我哋一直都好在意個煲蓋。
好怕嗰啲斟斟下水會成個蓋飛出。
一係就lock得太實,如果啲水仲熱時打開蓋嘅話有機會整親。
但我哋所有要考慮嘅問題呢個煲都全部順利過關呀!
就係咁連個水煲都一齊帶返屋企。

無論多士焗爐同水煲,佢哋真係貴!
但我同旦那さん用過之後都覺得呢個牌子唔係單單貴喺個名度,因為真係覺得設計係有花過唔少心意落去。
特別係多士爐,真係有所講嘅效果同食得出有分別。

暫時嚟講係覺得多士爐個內籠高度如果可以再高多少少就更好啦。
好似焗飯咁,個碟邊較高身又或者有手柄嗰種焗盤好大機會都放唔到入去。(高度限制5.5㎝)
但呢個唔係多士爐嘅正職,所以我無扣到佢分(笑)。

廣告

期間限定


「期間限定」 という言葉に弱いですか?

日本人對「◯◯限定」好無抵抗力。
「期間限定」
「季節限定」
「当店限定」

我呢個咖啡精早排喺IG見到有人post話今年嘅christmas blend咖啡豆已經出咗。
一向飲即溶咖啡嘅我咁啱呢排心思思想drip brewing。

咖啡。christmas blend。期間限定。

今年唔買又要等出年先有,過兩日經過就買咗包返屋企啦。


我鍾意飲濃、厚、無咩果香嘅咖啡。
所以兩隻christmas blend當中我揀咗Christmas Blend Espresso Roast。
用返當年去東京時喺Starbucks買嗰隻杯嚟沖,襯返一套。

平時飲即溶咖啡係為咗飲「水」。
但drip brewing係為咗嘆。

當打開包咖啡豆、聞到磨好嘅咖啡粉香已經醒一醒。
沖嘅時候好似喺咖啡舖咁,全屋都聞到好濃嘅咖啡香嘅時候,心情真係好好。
呢杯咖啡唔再單單因為口渴而沖嚟飲。

冷蔵庫の調味料


雪櫃入面嘅新成員-調味料びん。

豉油、味醂同料理酒呢三樣調味料開咗之後就要放雪櫃。
啲樽多數唔同顏色又唔同大細,我好唔鍾意。
一直都搵有咩樽啱用等我可以換晒佢哋,可惜一直都搵唔到。

過去2年幾我係用同一牌子嘅水樽裝,叫做統一咗佢。
不過用水樽唔好清潔,隔一段時間就要換樽。
而且倒調味料嘅時候有機會搞到個樽身都有,都係煩。


忍唔住卒之上網買咗呢3個調味料樽返嚟。
樽身係玻璃,方便清潔。
而且瓶口係矽膠做,用熱水清潔都無問題。
最緊要係每次倒嘅時候都好順,唔會倒完之後漏到個瓶口周圍都係。


除咗裝調味料之外,仲可以用佢嚟整dressing。
因為佢防漏,可以直接倒晒啲材料入樽,閂埋蓋搖勻就得。
直接上枱,用完直接擺返入雪櫃,好方便。

希望有一日雪櫃入面可以全部換晒白色,所以呢個樽啱晒colour tone。
加返我最鍾意貼唧dymo喺上面,靚晒!