my Cream Cheese Chiffon(附食譜)


2014.05.13 クリームチーズヨーグルトシフォンケーキ

男友最愛嘅cream cheese chiffon。
cheese味同其他味道最大嘅分別就係個蛋糕質地夠濕潤。
就連佢啲同事食過都話出面食唔到,出面買嘅chiffon多數都乾。

cream cheese今次都係用E&V。
我覺得整cake係佢先夠香,唯一唔好就係要去烘焙舖買仲要無細包裝,最低消費都要1kg。見耐無整又出去買返1kg返嚟。


cream cheese做chiffon時混合蛋白霜時有一樣要注意,就係cream cheese會令蛋白霜消泡。
所以多數cream cheese味嘅都唔會高。

加上我會落米粉去整,米粉嘅粒子細啲,chiffon cake質地會比較細緻,食落軟綿啲。
米粉膨脹效果無低筋粉嘅咁好,但真係我好介意一個chiffon cake係矮仔。

仲有!仲有!
就係上次提過整cream cheese chiffon最大打擊-凹 ★★★

就係咁,我不停左試又試。
終於試到夠味同水份得嚟又質地細緻而且唔再凹同矮仔嘅my Cream Cheese Chiffon。

Continue reading “my Cream Cheese Chiffon(附食譜)"

リベンジ!Cream Cheese Chiffon


2014.03.25 クリームチーズヨーグルトシフォンケーキ

整過咁多款雪芳蛋糕當中,芝士味係最好味。
之前整tiramisu時買咗嗰1kg Cream Cheese仲未食晒,今次輪到整芝士味啦。

點解最好味又整得咁少呢?
因為芝士味好易失敗,上次成功過之後我又再失敗,一直諗唔到失敗嘅原因。

點失敗法?我喺網上面搵咗個圖★★★
每次見到佢咁樣凹咗縮埋一舊咁鬼醜樣就好打擊。
受完打擊我唔想又再接觸佢,所以隔咗咁耐都無再整。

再整除咗男友開到口話想食、雪櫃又有cream cheese之外,最總要嘅係,我好似搵到原因啦!


上網又睇完一輪,問題應該離唔開cream cheese同其他材料混合時嘅乳化?問題。

今次索性將cream cheese、乳酪用微波爐一齊加熱到50℃。
之後同油、蛋黃混合嘅時候,除咗逐少加之外,我仲一路座住熱水等佢哋易混合啲。
到加粉之前我再將蛋黃漿過一次篩,完全可以排除一切因為cream cheese未撈勻嘅問題。


用咗呢個方法連續整咗兩次cream cheese chiffon,暫時都無咗出再現「失敗」嘅問題。
而且質地夠細緻,再無之前出現大㝫嘅情況。

暫時已經比之前嘅有所改善。
但焗嘅時間可能要再耐啲,兩次個芯都甩得唔靚,有啲痴模。
希望有一日所有問題都解決晒之後可以同大家分享呢個RANKING#1嘅chiffon cake食譜。

バナナ感100%


2014.03.10 バナナシフォンケーキ

喺supermarket見到pack有機香蕉,諗起好耐無整過香蕉味雪芳。
揀咗包最細,等佢由青BB變到成身斑點時,就拎佢嚟整chiffon cake。

之前幾次整香蕉味都係跟書嘅recipe,今次改改,又亂配一通。

男友曾經提議若果蕉味再濃啲會更好。
今次香蕉由80g加到去100g,啱啱好用晒成隻蕉。
整個蛋黃糊時已經聞到「難聞」嘅蕉味。
對於我嚟講,夠「難聞」即係香蕉味100%啦!

果茸多咗,粉類我都加返多少少。
用咗少少製菓用米粉,我覺得落咗米粉嘅chiffon出到嚟個質地細緻啲。
除咗鬆軟外,鍾意個chiffon多返啲濕潤。


整到出嚟個cake男友話夠晒味,而且水份夠,唔會乾。
味道OK,但蛋糕嘅效果未好滿意。
我嫌佢高度差少少,而且朶花開得唔夠大,只係叫勉強開到朶花。
要再改善吓先得。