トヨ型パン(丸いパン)

img_6746
2016.10.18 トヨ型ラウンドパン

喺上年某日,旦那さん話想食提子車輪包。
於是買咗個模,不過買咗之後一直都擺埋一邊無開工。
就係咁,個模最後擺咗成年,早2個月先拎出嚟用。

IMG_6768.jpg
頭一次用呢個模,最要試嘅就係用粉嘅份量。
扚起心肝試一次,意外地成功。
不過預計呢個包用嚟做多士同open sandwich多,所以今次無加提子。

本來諗住今次再焗,可以影吓相啦。
等個包攤到可以切得嘅時候個天已經黑到都無心機影相,最後只有出爐呢幾張。

廣告

ベーカーズ%(烘焙百分比)

久唔久就會有留言講話唔知點計個麵包食譜個份量。

其實喺幾年前曾經提及過ベーカーズ%(烘焙百分比/Baker’s Percentage),不過無詳細講。
呢2個禮拜又收到類似嘅留言,為咗更加清晰我決定出個post去詳細講吓咩係ベーカーズ%。

ベーカーズ%(烘焙百分比)係一個國際通用計算烘焙食譜嘅方法。
除咗麵包之外,亦可以用喺曲奇、蛋糕呢啲以麵粉做主材料嘅烘焙食譜度。

ベーカーズ%可以反映每一樣材料同麵粉之間嘅比例。
知道當中嘅比例的話,用ベーカーズ%就可以好簡單咁去按比例加大或者改細個食譜。
唔洗再限制只可以double或只可以減半個食譜啦。

Continue reading “ベーカーズ%(烘焙百分比)"

Bluff Bread


2016.8.20 ブラフブレッド

好耐無出過關於整麵包嘅post啦(食譜的話就更加耐)。
上次已經係上年1月時跟書整嘅高加水食パン

試過整咁高水份嘅包真係返唔到轉頭。
可惜之前『セントル ザ ベーカリー』個食譜製成品嘅質素成日都穩定。
喺我上網搵失敗嘅原因時,無意俾我搵到一個更好味而又穩定嘅食譜ーブラフブレッド(Bluff Bread)。

IMG_6093
ブラフブレッド係日本横浜元町一間麵包店ブラフベーカリー(Bluff Bakery)其中一款招牌麵包嚟。
師傅栄徳 剛さん喺cotta度寫咗呢款麵包嘅食譜。
麵粉係用北海道嘅キタノカオリ(北香),焗出嚟嘅包口感會較為煙韌。
70%嘅水加淡忌廉同蜜糖,又係一個高加水麵包。

IMG_6182
經過長時間低溫發酵,麵包嘅組織好細密同細緻,撕開的話真係會見到一層層、一絲絲。
麵包口感好軟熟而且係有回彈,有淡淡嘅甜味。
根據栄徳さん所講,因為加咗淡忌廉,所以烘多士時邊位會帶啲脆口。

本身キタノカオリ隻粉係帶淡黃色,所以焗出嚟嘅包係cream色咁而唔係雪白。
亦因為咁個包焗嚟特別容易上到靚靚嘅金黃色。

IMG_6105
如果出爐時見到啲邊位留有一細條白色邊的話我會好開心。
比起頂角,我更加鍾意有呢條細嘅圓邊。

本身食譜係無落到牛油。
但試整過兩次都係覺得差咁啲香味,於是我因自己嘅嘅口味再去改良。

IMG_6167

Continue reading “Bluff Bread"