ロールサンド


2013.12.30 ロールサンド

2013年最後一個包係牛油卷。
簡單㚒咗沙律菜、煙三文魚做三文治做早餐。


平時整牛油卷男友唔會話鍾意色,就算以前用湯種整都好,一樣唔多好。

13年開始咗用星野之後,整湯種嘅次數真係一隻手都數得晒。
加上年8月嘅時後試咗好多唔同嘅麵粉,而家會睇整咩包去決定用咩粉,出嚟嘅包都同以前好唔同。

牛油卷我鍾意佢脹卜卜,所以高筋粉今次用super king。
super king×星野呢個組合係無得頂嘅。
加上有盒大嘅3.7牛奶喺雪櫃,於是水份全部用晒牛奶。
成個包出到嚟又好咬口、仲好香牛油同牛奶味。

呢個配搭男友可以空口食咗兩個。
仲話㚒腸仔或者其他嘢一齊食的話會嘥咗個包。
聽得我好開心,好想又再整過,因為今次卷得仲未算脹卜卜。

仲有!
我好鍾意今次牛油卷個底嘅爆口,我覺得佢爆得好靚。
如果每截都咁爆、爆到上個面度就perfect啦。

廣告

排包 -Butter Loaf-


2013.07.23 バターローフ

排包係一個可以空口不停食嘅包嚟。
男友話想食,見屋企本身有個方型盤,於是即刻開工。


好耐無買排包嘅我,最近留意到原來有啲排包唔再排包。
排包應該係一排排、食嘅時候再撕開一塊塊嚟食嘅包。
最近見到嘅係焗好一舊包之後再切成一片片,但我覺得咁已經唔再叫做排包啦。


用湯種做出嚟嘅排包,非常軟熟。
整咗兩次,兩次都係室溫保存,擺咗三日無話點老化。
第一次整完之已經收到屋企人嘅order話要食,排包真係好受歡迎。
但整嘅我見到佢有幾多糖同幾多牛油之後我就唔想食啦。

 

白パン


2013.07.06 白パン

呢排買咗幾種唔同嘅強力粉,嘗試用唔同嘅粉去做唔到嘅包。
好似之前講過用最強力粉スーパーキング(Superking)嚟整食パン(方包)個效果會好啲。
今次我就用咗強力粉カメリヤ(Camellia)嚟整テーブルブレッド(餐包)-白パン。

白パン-fendu-好耐無整過。
雖然耐無整,好在最近都有keep住整包,比預期中好。
而且每個白パン都係脹卜卜,個割痕都好清楚。
不過溫度可能都係有啲大,白パン帶金黃唔得白。