白パン


2013.07.06 白パン

呢排買咗幾種唔同嘅強力粉,嘗試用唔同嘅粉去做唔到嘅包。
好似之前講過用最強力粉スーパーキング(Superking)嚟整食パン(方包)個效果會好啲。
今次我就用咗強力粉カメリヤ(Camellia)嚟整テーブルブレッド(餐包)-白パン。

白パン-fendu-好耐無整過。
雖然耐無整,好在最近都有keep住整包,比預期中好。
而且每個白パン都係脹卜卜,個割痕都好清楚。
不過溫度可能都係有啲大,白パン帶金黃唔得白。

廣告

ロールパン


2013.06.10 ロールパン

好耐無整過牛油卷,加上要派街坊嘅關係,於是決定整返一轉。

最近買咗塊新嘅矽膠墊,碌麵團時好好碌。
以前一直用開木枱面,多少都會黐枱,而且清潔起上嚟唔太方便。

太好碌,呢日一時碌得慶喜,明明牛油卷係卷2個圈嘅,我卷夠3個。
搞到一個二個都唔係脹卜卜,唔得飽滿。
下次有機會再整過,但應該要過多一排先,因為下個我想食嘅係メロンパン

cheese bagel x butter roll


2013.04.20 チーズベーグル x バターロール

自從轉咗用天然酵母之後,整包嘅程序都改變咗。
之前我係起身開始整,等到發酵完焗得嚟有時都要5-6點,好似無晒一日時間咁。

早幾日見整完飯盒俾男友之後仲有啲時間,一於開機整包。
用天然酵母整包,整個發酵嘅時間都比較長,單單第一次發酵就大概需要4個鐘。
平時起身整飯盒大概係朝早5:00左右,整得嚟發得酵啱啱就係我再去瞓埋下半場起身嘅時候。

下半場起身後就開始「造型」,到最後一次發酵完成時差不多12點。
焗埋、出埋爐1點鐘都唔洗。
感覺好似只係用咗平時整麵包一半時間就可以整好啲麵包,同埋啲包唔洗擺雪櫃過夜發酵,又可以避免咗過度發酵嘅情況。

一半份量整咗cheese bagel,另一半整咗butter roll。
bagel發酵時間比butter roll略為短,加上我個焗爐得27L,每次只可以焗4-5個butter roll。
而家分開2款包,大家完成發酵嘅時間又有先後,唔洗爭住入爐,一舉兩得。