桜あんパン


2014.04.26 桜あんパン

喺3月尾時見富澤話有入到塩漬桜花,即刻就諗到想整桜あんパン(櫻花豆沙包)。
奈何搵唔到桜餡,只好放棄!

到4月尾為麵粉補倉時,俾我發現到有桜餡賣,啱啱好係做一次嘅份量。
唔理得咁多,好唔好味我都想做一次,趁櫻花季節完之前。


桜餡係由白豆蓉、紅麴同鹽漬櫻葉做成。
若果買得齊材料的話,係可以自己做,自己做的話可以控制返個甜度唔洗咁甜。
但喺香港,就連現成桜餡都唔易搵到,要搵到鹽漬櫻葉嚟自己整比買現成嘅更加難。


做桜あんパン一定要襯返個櫻花造型先得。
花瓣一定要係五瓣。

盡可能希望個個櫻花出嚟都差唔多樣,我用masking-tape喺枱面mark好咗要切刀嘅位置。將包好桜餡嘅麵團輕壓平,再用麵團刀跟住嗰5個mark去平均𠝹五刀。
中間位置輕輕噤凹,入爐前掃蛋漿,再放已經浸水去鹽嘅塩漬桜花做裝飾。

18分鐘後就有人8朶大大朶嘅櫻花出爐啦。
出嚟嘅效果比我想像中好,除咗第一個造型較醜樣之外,其他朶朶花都好靚。

星野のシナモンロール(附食譜)


2013.12.12 シナモンロール

上年7月時焗過一次玉桂卷
嗰次諗住改吓個recipe,用少啲牛油、落少啲糖睇吓可唔可行。
點知出到嚟無聞無味⋯⋯

今次落返足料,寧願少食多滋味。


以前個recipe係用湯種去做。
而家無做湯種得星野,所以今次改用星野去做。

麵粉今次用咗春よ恋。
春よ恋做出嚟嘅麵包,本身會比較もちもち(煙靭)。
我至愛麵包係もちもち,再加上今次用埋星野,もちもち感加陪。
所以今次呢個玉桂卷,係比之前用湯種做嘅更好味。

Continue reading “星野のシナモンロール(附食譜)"

シナモンロール…シナモン&甘さが足りない


2013.06.18 シナモンロール

本來想整メロンパン。
但男友話想食玉桂卷,於又打尖整咗玉桂卷先。

玉桂卷最緊要就係要夠玉桂香同埋要夠甜。
但呢兩樣今次都欠奉,原因係因為我諗住唔好咁肥,落少咗糖同牛油。
減糖之後唔夠甜之餘,少咗牛油仲搞到明明落咗好多玉桂粉都覺得唔夠味。

即係話
要食就落足料甚至重手啲,怕肥就唔好整佢嚟食。