6歳の誕生日

皆、お久しぶりです。(各位好耐無見)

IMG_9472
2018.02.20 6歳

經過咗2年都有生日蛋糕食之後,喺上年年中hime已經講定今年生日都要有生日蛋糕,仲要指明要食芝士蛋糕!
其實佢唔知到我仲差緊佢パパ上年同今年個生日蛋糕未整。(笑)

IMG_9503.jpg
知道呢個囡鍾意食cheese又鍾意食cream,於是今年個蛋糕滿足晒佢兩個願望。
上年個生日蛋糕雖然hime都食得津津有味,但係我哋一致認為檸檬汁太多有啲酸。
於是今年改改佢,同埋由18cm改到15cm份量,New York Cheesecake轉做再芝士味出啲嘅Baked Cheesecake。

但因為就唔啱時間無去到烘焙舖,只可以喺supermarket買盒雪印嘅cream cheese。
無用到KIRI/ELLE&VIRE嘅cream cheese,少咗份鹹味個蛋糕真係會失色好多架。
下次整一定要早早買定盒放雪櫃先得。

IMG_9506.jpg
呢個蛋糕做法可以靠膠刮同隔篩就可以,所以我都坐喺餐枱整,而hime就全程喺我隔離睇住我整佢個生日蛋糕啦。
到個蛋糕出爐之後,一放喺枱面攤涼時佢已經表現出好想即刻食,仲好清楚個蛋糕係屬於佢嘅。

IMG_9521.jpg亦因爲已經係第3年有生日蛋糕食,同蛋糕嘅合照就越嚟越爛難影。
今年無乜邊張係影到佢係望鏡頭嘅,每當佢發現叫到佢去蛋糕隔離原來阿媽係拎相機而唔係開餐時,佢就唔耐煩,見無得食就會行咗去⋯⋯

今年個生日蛋糕hime非常滿意!
我地一共分咗5日?去食,每次食嗰陣hime都有份一齊食,食到咀lam lam好滋味。
仲講定下年個生日蛋糕繼續要cheese cake添。

Continue reading “6歳の誕生日"

廣告

5歳の誕生日

img_6739
2017.02.20 5歳

自從上年第一次整咗生日蛋糕俾hime之後,呢個囡越嚟越鍾意食蛋糕。
平時一發現我哋買咗蛋糕返嚟的話就不停追住:「我食得架!」「我都要食!」
曾經試過只係買咗朱古力味,無買佢食得嘅芝士蛋糕同whipping cream,佢唔開心咗一晚。(笑)
嗰次之後,買親蛋糕返屋企都要揀件hime可以食得嘅。

img_6740
上年整嗰個係士多啤梨忌廉蛋糕,雖然hime鍾意好食cream,但始終油佢食得唔多。
見佢平時咁鍾意食芝士蛋糕,今年就整咗個New York Cheese Cake俾佢做生日蛋糕!

img_6742
已經唔記得咗幾多年無整過cheese cake。
決定咗整cheese cake之後諗住摷返個模出嚟啦,先發現原來我係無18cm又無可以甩底嘅蛋糕模。
好在嗰排不停要出街,又早發現,所以可以趁去街時買返個。

蛋糕提早上一日焗起。
出爐後脫模嗰陣,牛油紙上面痴住少少芝士,hime已經嘈住要搶先試味啦。

img_6741上年同hime影相時旦那さん喺屋企,可以幫我引吓hime嘅注意,影相易好多。
今年旦那さん要返工,加上芝士蛋糕對佢嚟講實在太過吸引,我都未影到時呢個囡已經自己開始食先。

試完味、見我又影完相,呢個囡一心以為有得食啦。
點知我收返埋個蛋糕話要等埋パパ收工返嚟先一齊切蛋糕食。
呢個囡好似好失望咁,每次我開雪櫃佢都睇吓我係咪拎蛋糕。

img_6747
等咗一日,終於等到パパ收工,可以一家人一齊吹蠟燭、食生日蛋糕啦!
點知個蛋糕再次出場,ママ又話要影幾張點咗生日蠟燭嘅相先可以食,hime:「⋯⋯」。(笑)

New York Cheese Cake入面有雞蛋又有檸檬,呢兩樣食物平時hime見到係走都走唔切。
但竟然撈埋芝士一齊焗呢個囡食得津津有味。
每次拎件蛋糕,呢個囡都會提出佢都要食。
明明連我都覺得今次檸檬汁落得重手咗,但呢個囡好似完全唔覺得有問題咁。
每件蛋糕都食到2-3啖,食到嘴舐舐,不之幾開心。

*相中無花果係絕對唔可以俾貓食!而且部份貓對奶類製品可能會出現腸胃過敏,各主人請自行判斷家中貓貓是否可食用貓糧以外的食物。

 

みかん箱

img_73162016.11.21 みかん箱にゃんボール

img_7297近呢2年我都好少會買玩具俾hime。
大多數玩具佢玩一兩次就無興趣,反而一啲唔似玩具嘅「玩具」佢玩好耐都仲好有興趣。
不過最近買咗一個玩具俾佢,氹得呢個囡鬼咁開心。

img_7299
呢個玩具係一個紙皮箱。
望埋去係一個蜜柑嘅紙箱,紙箱個底係有一塊俾貓磨爪嘅紙板。
hime仲係BB嘅時期我都曾經買過呢類嘅磨爪板俾佢玩,但嗰陣應該太細唔識玩。

img_7343
今次一見到個蜜柑箱已經知道係屬於佢。
對個箱非常有興趣之餘,仲一埋位已經知點玩。

 

 

img_7308
唔洗一陣已經成隻走晒入箱,玩得鬼咁開心。

img_7350
箱面好搞笑咁寫住咗係「全國貓協同組合連合會」,仲有張貼紙寫住「犬嚴禁」。

img_7349
再過多陣自己同自己玩到樣都唔見埋,得返條尾同對腳。

img_7345
繼而玩到箱都翻埋。

IMG_7416.jpg
除咗玩得好開心之餘,hime都好鍾意喺入面瞓覺,次次都瞓得好冧。

img_7327買到樣hime咁鍾意嘅玩具我都好開心。

 

71f8dtzjjwl-_sl1500_
amazon.jp
ミュー (mju:) にゃんボール みかん箱