黄いろ食パン


2014.09.21 かぼちゃの食パン

好耐無出過麵包嘅post。
有一輪少整咗包,加上嚟嚟去去年都係pain de mie,所以懶得影相。
不過今次要影一影,因為我覺得佢好靚-南瓜包。

買咗半個日本南瓜返屋企,諗住整牛油南瓜同蒸南瓜俾hime做餸。
我係唔食南瓜嘅,hime又食得唔多,半個南瓜都係男友一個人食。

忽然醒起曾經喺日本網度見過有人整南瓜包,據聞整完只係顏色勁,但無南瓜味。
於是蒸南瓜俾hime嘅同時我順便蒸咗啲嚟整包。


用平時星野方包個recipe,再加100g嘅南瓜蓉。
南瓜蓉我喺麵團打到開始成團後先再加。
因為南瓜本身有水份,所以水比平時落得少,今次我落咗130g。
之後所有step都同平時一樣。
出到嚟佢金黃色真係好靚,同埋食落無南瓜味,我可以食得到。

爭扎幾個月咗好耐要唔要換咗把麵包刀、換嘅話換邊把好。
最後換咗Victorinox。

好在真係換咗,啲包唔再因把刀鈍而切到斜,唔洗點用力就切到好靚好直。
見到啲包切得靚令我開心咗一個上晝。

廣告

桜あんパン


2014.04.26 桜あんパン

喺3月尾時見富澤話有入到塩漬桜花,即刻就諗到想整桜あんパン(櫻花豆沙包)。
奈何搵唔到桜餡,只好放棄!

到4月尾為麵粉補倉時,俾我發現到有桜餡賣,啱啱好係做一次嘅份量。
唔理得咁多,好唔好味我都想做一次,趁櫻花季節完之前。


桜餡係由白豆蓉、紅麴同鹽漬櫻葉做成。
若果買得齊材料的話,係可以自己做,自己做的話可以控制返個甜度唔洗咁甜。
但喺香港,就連現成桜餡都唔易搵到,要搵到鹽漬櫻葉嚟自己整比買現成嘅更加難。


做桜あんパン一定要襯返個櫻花造型先得。
花瓣一定要係五瓣。

盡可能希望個個櫻花出嚟都差唔多樣,我用masking-tape喺枱面mark好咗要切刀嘅位置。將包好桜餡嘅麵團輕壓平,再用麵團刀跟住嗰5個mark去平均𠝹五刀。
中間位置輕輕噤凹,入爐前掃蛋漿,再放已經浸水去鹽嘅塩漬桜花做裝飾。

18分鐘後就有人8朶大大朶嘅櫻花出爐啦。
出嚟嘅效果比我想像中好,除咗第一個造型較醜樣之外,其他朶朶花都好靚。

夢力星野山


2014.04.14 ゆめちから×ホシノの山食

自從香港出現咗富澤之後,我啲山字包主力都係SUPERKING×HOSHINO(超王×星野)。
早排入貨時,除咗買Superking呢隻指定要入嘅粉之外,仲
買咗隻粉試ゆめちからブレンド

superking永遠最快用晒,因為我不停都係整山字包。
但屋企啲粉未用晒我唔想去補貨住,於是試吓新組合-夢力星野山。


比起superking,夢力嘅蛋白質無咁高,相對個包出到嚟都比較矮。
明知佢一定係矮,但山字包唔高總係覺得有啲唔開心。

呢隻係國產小麥粉,比外國産嘅superking無咁受水,加上而家天氣潮濕,水份只用47%。
做出嚟包口感好軟熟同比較煙靭,組織效果出到嚟都算係咁,係麥味我覺得無春よ恋咁香。

有4隻國產小麥粉我想試,暫時試咗2隻-春よ恋同ゆめちからブレンド。
仲有2隻未試,下次買粉時會試埋另外嗰2隻。

雖然今次個包夠軟又夠煙靭,但始終有一點唔及superking-鬆!
佢唔夠superking做出嚟嘅包高,相比下呢個包實咗啲。
所以superking仍然穩佔佢嘅超王一哥地位!