初!クリスマスブッフェ

img_3684
2016.12.23 Christmas Buffet @JW Cafe

2月份仲寫緊上年12月尾嘅blog,仲有2-3個關於外食嘅post想打⋯⋯幾時先有時間追得完呢?

以前一聽親聖誕buffet,總會跟住聽到「幾多個月前已經full-booking」。
年頭已經知道近聖誕時要去食buffet,唔知係咪真係咁誇張啦,但為咗穩陣起見,我都提早咗半年就book枱。

img_3685
今次一行4人,安排坐喺靠邊嘅位,可以望到下層lounge,都幾開揚。
同前後嘅枱位置就有啲啲近,不過還可以接受,比起場中間卡位枱位置算闊落。

img_3717
img_3715img_3718img_3743img_3726
每次一拎起隻碟,自自然就會走咗埋去拎海鮮。
事先知道JW Cafe嘅buffet係無生蠔,但始終覺得無生蠔嘅buffet差咁啲咁。

青口幾甜,所以拎2碟都有佢嘅出現,我鍾意食橙色肉嘅青口,不過擺出嚟嘅大部份都係白色。
好多講法話兩隻色嘅青口肉同味立都無分別,不過由細到大我都係覺得橙色係香啲好味啲。

咁多款蟹最鍾意始終係鱈場蟹,唔會太重咸味,肉質又爽甜,最重要嘅係佢係我至愛嘅啖啖肉。

拎咗5款刺身,帶子係最好味嘅;
三文魚都幾鮮甜,唔知點解香港嘅刺身永遠三文魚啲質素係最穩陣,唔知同多人鍾意食有無關呢?
赤身真係好難食,啲肉食落覺得唔新鮮同霉,食咗啖就放棄咗佢啦!

img_3710img_3711
img_3712img_3732
喺文華食buffet時,好多時一人拎少少已經好快覺飽,但明明仲有好多未食過。
今次試吓改下策略,我同旦那さん拎一碟返去兩份share,真係好食先再拎過。
呢個策略唔錯,雀仔肚嘅我哋今次有更多位試多啲嘢食,就係咁今次有沙律嘅出現。
呢碟最有味同最好味嘅都係煙三文魚。

Continue reading “初!クリスマスブッフェ"

結婚記念日・2年目突入

2016.11.14 1st Wedding Anniversary

上年結婚之後我哋去咗Clipper Lounge食buffet。
今年1週年我哋都揀返去呢度慶祝,同之前一樣,早早就上網book定位啦。

img_3260
三點蟹/麵包蟹/波士頓龍蝦
img_3261
蟹腳
img_3277
青口/鮑魚
img_3281
(右)生蠔

每次第一碟拎嘅都一定係海鮮,只要個buffet有生蠔的話我都一定會拎生蠔。
可惜今次啲蠔比上次5月嗰陣嚟食嘅細隻咗,又無乜肉食,同埋腥腥哋。
我食咗呢3隻之後就無再拎啦,轉陣主力食鮑魚。
啲鮑魚今次大隻咗又好味咗,夠腍同時又好爽口,我應該食咗6-7隻。

img_3282
(中)大蝦

拎咗三隻大蝦,點知係有怪味,所以無食到。
始終都係龍蝦拑最好食,啖啖肉。

img_3284
吞拿魚/三文魚/鯛魚/油甘魚

刺身有4款。
我最鍾意食鯛魚,旦那さん比較鍾意食油甘魚。
三文魚就中規中矩,吞拿魚依然係包尾,好在我叫師傅唔好俾咁多我。

img_3347
熟蝦/醋鯖魚/北寄貝/鰻魚/腐皮

實在太鍾意鯛魚,所以又拎多2件。

img_3351
燒三文魚/甜蝦/鰻魚/太卷/加州卷

卷物當中我最鍾意食太卷。
雖然盡量唔食咁多飯,但每次見到太卷都會忍唔住要食一件。
今次見有加州卷所以又拎咗一件,但都係太卷好味。

img_3258
鹵水牛腱海蜇沙律/上海手撕雞/陳醋西芹黑木耳/醃蘿蔔露筍沙律/自家製煙三文魚

冷盤除咗個煙三文魚之外,其他都唔好食。
而且樣樣食物都好粗好大件,感覺做得唔得細緻。

img_3263
沙律/歐洲農家芝士/麵包

之前都無走過去呢part度拎過嘢食,今次終於記得行過去。
包就實在無位放得落啦,同埋無話有想試嘅包,所以都係無食到。
拎咗少少沙律,但返到位先發現自己無落到醬。
4款芝士每樣都拎咗少少試,Brie de Meaux 配埋 Cracker食都幾好味。

img_3244
賽螃蟹
img_3247
蒜蓉粉絲蒸扇貝
img_3243
松子糖醋魚
img_3285
(左上)生煎包

今次啲蒸扇貝蒸過咗龍唔好食,其他都無乜特別。

img_3249
蝦仁、鮮茄汁/鍋粑
img_3252
紅油抄手
img_3253
上海粗炒
img_3254
X.O.醬蟹肉炒飯

之前試過上海粗炒同炒飯都麻麻哋,所以今次都無拎到。

img_3267
小籠包
img_3268
紅燒元蹄
img_3265
欖菜肉崧四季豆
img_3306
(中上)百花釀蟹拑/(右)紅燒乳鴿

個四季豆係咁多款熱葷當中最好味,炒得幾香口野味,好食到我要去拎多轉。
元蹄好腍同好骨膠原,不過食落有啲漏。
蟹拑唔脆所以唔太好食;乳鴿就比比上次咸同乾所以都唔好味;小籠包就正正常常啦。

img_3288
慢燒肉眼扒

Roast Beef係咁多次嚟講最好味嘅一次。
成片都唔會話太生,亦唔會話有啲位乾,夠晒Juicy。

img_3292
約克郡布丁

之前拎Roast Beef時次次都係無晒Yorkshire Pudding。
今次見有就拎咗個,但原來無乜特別。

img_3290
蟹肉濃湯

湯有兩款,西式係蟹肉湯。
飲落好濃嘅海鮮味,feel到個湯底好足料,不過我麻麻哋。

img_3299
原盅雲吞雞湯

中式湯係雲吞雞湯。
相比起蟹湯,我哋一致鍾意呢個雞湯。
成個湯好鮮甜,完全唔覺咸。
啲雞肉好滑完全唔鞋,雲吞係鮮肉餡都幾好味。

img_3311
酸辣湯

酸辣湯本身係上海湯麵個湯底嚟,不過我無食到個麵,淨係要咗兩啖湯。
不過個湯唔多夠辣,得酸味。

img_3317
蒸象拔蚌

本來今次個自助餐主題係大閘蟹,但因為二噁英,所以隻蟹變咗做象拔蚌。
因為我唔食大閘蟹嘅,滿心歡喜整走咗隻蟹好開心啦。
點知呢隻象拔蚌連我呢個唔怕腥嘅人都覺得佢好腥,呢2隻嘢最後係完隻推咗去枱角無食到。

img_3269
牛油麵包布丁
img_3271
蘋果金寶
img_3272
栗子西米布丁
img_3273
豆沙鍋餅
img_3349
(右上)蜜糖杞子桂花糕

豆沙鍋餅都幾好味,但我期待嘅桂花糕就唔好食啦。

img_3322
雲尼拿雪糕
img_3324
紅苺雪葩/青檸雪葩/曲奇雪糕

每次都要食好多好多球先滿足嘅雪糕雪葩。
旦那さん食咗6個,其中5個係芒果;
我都食咗5個,其中4個都係我至愛嘅酸嘢-紅莓同青檸,不過今次無熱情果。

img_3338
鮮果酥皮撻/香芒熱情果慕斯蛋糕/黑森林蛋糕/焗雜莓撻/馬卡龍/法式焦糖燉蛋

甜品我覺得今次少咗好多我有興趣食嘅,好多都係mousse同panna cotta。
一隻碟我已經拎晒我有興趣。
除咗個Crème Brûlée之外,我竟然愛上咗⋯⋯

img_3342
macaron
之前食過一次macaron,好甜,甜到食咗一啖就食唔落。
今次見到諗住又再試吓啦,點知改觀。
個甜完全係可以接受,加上中間個buttercream係咖啡味,感覺上更加無咁甜。
最後我一共食咗7個macaron(笑)。

img_3355
Opéra

慶祝結婚1週年,酒店今次準備嘅蛋糕係Opéra,係出面甜品櫃無嘅款。
我雖然唔好朱古力類蛋糕,但呢個又幾好食喎。

img_3366
Long Black

上次我係叫Latte,不過今次都係叫返杯Black算。
因為我要襯埋我啲macaron,同埋太飽唔可以再飲啲奶落肚啦。

img_3370
Iced Tea

實在食到太飽啦,旦那さん今次都由熱朱古力轉返去凍檸茶。

上次眨吓眼就由中環返到屋企嘅感覺非常好,今次都好難唔繼續啦。
坐的士除咗我哋開心之外,hime都一樣咁開心,因為可以快啲有人返到屋企陪佢。

 

 

Clipper Lounge
M/F, 5 Connaught Road, Central, Hong Kong

9th

2016.5.30 Happy 9th Anniversary

我哋兩個唔係每年都慶祝拍拖記念日,數數手指,有認真慶嘅今年係第3年。
事緣結婚後我哋兩口子去文華食buffet慶祝完之後,旦那さん話嚟緊拍拖記念日再去食。
好認真,我2月就上網book定位。

今次buffet主題係日韓風味自助晚餐。
除咗一向會有嘅海鮮壽司、沙律熱盤甜品之外,今次嘅highlight係每人會有一客即叫即煎嘅日本A3和牛西冷扒同韓式肉眼扒。
和牛,之前買過A5嘅燒肉,但感覺太油膩,今次可以試吓A3嘅扒;
香港有韓牛賣咁耐我哋都仲未食過,今次可以一試。

IMG_7674
【King Prawn】 【Brown Crab】【Lobster】

IMG_7686
【Oysters】
今次係澳洲生蠔

IMG_7687
【Sea Whelk】【Abalone】

我哋準時18:30就去到,一出到個海鮮bar已經睇得出好多人已經開始食緊生蠔啦。
啲龍蝦呀、麵包蟹呀仲未有人開始拎,所以仲排得好靚。

IMG_7677
【Hors d’oeuvres】
相中嘅冷盤我全部都無位將佢放入肚。

IMG_7681
【Prime Rib of Roast Beef】
啱啱捧出嚟嘅原舊未切嘅燒牛肉。

IMG_7668
【Korean Fried Noodle, Minced Pork, Mushroom, Carrot】
韓國粉絲,呢個係炒唔同平時Japchae嗰種。

IMG_7670
【Japanese Eel Fried Rice, Green Peas, Egg】
鰻魚飯

IMG_7671
【Miso Glazed Salmon, Teriyaki Sauce】
三文魚我都無食到。

IMG_7672
【Korean Short Rib of Beef】
韓式炆牛肋肉

IMG_7673
【Korean Rice and Cheese Roll, Kim Chi, Pork Belly】
韓式炒年糕

IMG_7678
【Yakitori】

IMG_7683
【Korean Crispy Dumpling, Kim Chi】
炸餃子。
仲有炸雞同天婦羅,但我想去影相時已經得返唔多,所以最後無影到。

IMG_7684
【Sea Clam, Sake, Onion, Garlic, Broth】
啱啱見住佢出嘅清酒煮蜆

IMG_7689
每次食buffet我最期待就係生蠔。
雀仔肚嘅我,要食生蠔先抵,但今次生蠔同之前幾次比差咗。
味道無之前鮮甜,同埋多碎殻,所以食咗4隻我就無食啦。
反而鮑魚有驚喜!
又爽又腍,好好味,我食咗三隻。
青口就麻麻、螺就一般,所以試過就無再拎啦。

IMG_7703
後期嘅鮑魚無開頭嘅咁大,得返晒啲呢細size。
始終大隻嘅先好味,所以得返細size之後我就無再拎啦。

IMG_7690
波士頓龍蝦鉗、麵包蟹鉗同蝦。
我哋兩個都係鍾意食龍蝦鉗,因為佢啲肉實在啲、啖啖肉。
麵包蟹嘅肉質相對較散,我同旦那さん都覺得麻麻。

IMG_7722
開邊龍蝦。
都好味,但我都係鍾意食鉗多啲。

IMG_7692
壽司同刺身都有幾多選擇,不過我無拎晒。
除咗三文魚同鰻魚之外,我㨂咗啲之前喺呢度無食過嘅嚟食-鯖魚、押壽司、熟蝦同太卷。

另外我仲分別拎咗鯛魚、鰤魚、赤身嘅刺身,不過無影到相。

IMG_7766
法國香檳【R de Ruinart Champagne Brut】

IMG_7719.jpg
今次我哋1人1杯香檳。
之前試過“R” de Ruinart Brut、Ruinart Blanc de Blancs同Billecart Salmon Brut Rose,覺得“R” de Ruinart Brut最啱飲,所以今次都係飲返呢隻。

IMG_7702
【Japanese A3 Wagyu Beef Sirloin and Korean Beef Sirloin】
今晚嘅highlight-韓牛和牛。
左邊嘅係韓牛1+西冷、右邊係A3和牛西冷。
原本韓牛嗰款係肉眼嚟,但今晚改咗做西冷。
同一部位,會更加好去比較。
廚師建議5成熟,但我怕血淋淋,所以叫咗7成熟。
比我想像嘅生,但無話有血水,所以我都食到。

韓牛食落較有咬口,牛肉味唔濃;和牛好有油香,對我嚟講我都係油咗啲,不過好腍。
可能我呢件和牛啱啱近脂肪個邊位,所以覺得油啲,比較吓我會鍾意食韓牛多啲。
相反旦那さん鍾意食和牛,佢覺得牛味濃啲,香啲。

IMG_7753
我唔好食燒牛肉,所以我拎咗旦那さん嗰份嚟影相。

IMG_7708
【Lobster Soup】
龍蝦麵豉湯。
龍蝦其實係一舊龍蝦鉗肉,放落碗麵豉湯度,但麵豉湯我覺得比較咸,我無飲晒。
串燒雞、豬、牛每樣我拎咗一串。
雞肉係3種中最唔好食,豬肉係最好味,但醃味醃得重手咗。

IMG_7733
【Korean Fried Chicken, Spicy Tomato Sauce】
【Tempura, Prawn, Sweet Potato, Pumpkin, Eggplant, Turnip, Ginger, Tempura Sauce】
韓國炸雞同日本天婦羅都唔太好食。
如果改咗做韓國冷麵/日本拉麵的話可能更吸引。

IMG_7712
清酒煮蜆酒味唔勁,蜆肉幾甜,其他幾款都較一般。

IMG_7729
煎帶子係即叫即煎,帶子好新鮮好好味。
炆牛肋肉好好食,好腍。
另外一個係泡菜蝦沙律,唯一一個我有食嘅冷盤。

IMG_7741
每次都唔少得嘅雪糕。
今次一個cone要兩個球-Cassis同Passion Fruit Sobert。
食得好開心,至鍾意酸味嘅雪糕好似raspberry呀passion fruit呢啲。
臨走前我再食多杯,實在太好味啦!

IMG_7738
今次多咗幾款熱嘅甜品。
左上 Warm Apple Crumble、右上 Warm Traditional Bread and Butter Pudding、
下 Warm Sago Pudding。
3個我最鍾意食Apple Crumble。多數熱嘅生果嘢我都唔會食,因為我覺得好奇怪。
但呢個好好味,蘋果唔會話太淋,依然有咬口,而且有我好最鍾意嘅肉桂,所以好好味。

IMG_7745
因為慶祝週年,酒店準備咗個蛋糕。
呢個應該係American Cheesecake嚟。

IMG_7756
Cream Horn
Baked Pear Tart
Baked Chocolate Brownies
Broken Chocolate Plate with Roasted Nuts
Homemade Cookies

IMG_7763
Coffee Pot
Strawberry Jelly
Traditional Cherry Trifle
Fresh Fruit Jalousie Tart

甜品好似比之前嘅選擇少咗,定係我哋無興趣食嘅多咗呢?但有啲之前無見過嘅好似曲奇餅。
曲奇餅好食,牛油味唔重,所以唔覺得膩,但好鬆化,而且好香芝麻味。

IMG_7758
最後飲品我揀咗Latte,飲埋杯嘢真係飽到上心口。

IMG_7759
旦那さん同上次一樣,叫返熱朱古力。

再一次由18:30食到22:00,由頭食到落尾。
出門口前應承咗hime我哋會盡快返,食飽去到酒店門口就截的士返屋企。
可以眨吓眼就由中環返到屋企嘅感覺真好。

 

Clipper Lounge
M/F, 5 Connaught Road, Central, Hong Kong